मल्ल दम्पतीलाई वाजागजा सहित विद्यालयद्वारा दोसल्ला ओढाएर सम्मान !
कृष्ण कँडेल, गल्कोट २०७० साउन १५ । विद्यालयको शैक्षिक गुणस्तर सुधार गर्न सहयोग गर्ने उद्देश्यले मल्म–५ वाँसखोला स्थायी घर भई अहिले वेलायत वस्दै आएका एक दम्पतीले विद्यालयमा ३ लाखको अक्षय कोष स्थापना गरेका छन । यसै विद्यालयका पूर्व विद्यार्थी प्रेमवहादुर मल्लले अघिदेखी नै विद्यालयलाई सहयोग गर्दै आएका छन् ।
पूर्व वेलायती सेना समेत रहेका मल्लले आफु र श्रीमती सुषमाको नाममा भैरव माध्यमिक विद्यालय मल्ममा “प्रेम सुषमा अक्षय कोष” स्थापना गरेका हुन । न्युन आर्थिक अवस्था भएका सर्वसाधारणका वालवालिकाले अध्ययन गर्ने सामुदायिक विद्यालयको शैक्षिक गुणस्तर सुधार गर्ने सहयोग पु¥यउने उद्देश्यले अक्षयकोष स्थापना गरिएको हो ।
कार्यक्रममा बोल्दै मल्लले सामुदायिक विद्यालयको शैक्षिक गुणस्तर खस्कएकोमा चिन्ता व्यक्त गरे । ‘म सामुदायिक विद्यालयको खस्किदो नतिजा प्रति चिन्तित छु, उनले भने, ‘मैले स्थापना गरेको कोषको व्याजबाट विद्यालयलाई शैक्षिक गुणस्तर सुधारका कार्यक्रम सञ्चालन गर्न सहयोग पुगोस भन्ने चाहान्छु ।’
स्थापना गरिएको अक्षयकोसको व्याजबाट विद्यालयमा अतिरिक्त कक्षा सञ्चालन गरि गुणस्तर सुधारमा प्रयोग गर्ने विद्यालयका प्रधानाध्यापक चक्रवर्ती शर्माले जानकारी दिए ।
मल्लले विद्यालयलाई निमावि र मावि सञ्चालन गर्ने समय देखि नै सहयोग गर्दै आएको प्रअ शर्माले वताए । मल्लले विद्यालयलाई अझै निरन्तर सहयोग गर्ने प्रतिवद्धता जनाएका विद्यालयले जनाएको छ ।
विद्यालयमा सोमबार एक कार्यक्रमको आयोजनागरि मल्ल दम्पतीलाई वाजागजा सहित विद्यालयले दोसल्ला ओढाएर सम्मान दिएको छ ।