कृष्ण कँडेल, गल्कोट २०७० साउन ११ । दुदिलाभाटी–९ भैसेको भगवती प्राथमिक विद्यालयलाई नेपाली विद्यार्थीहरुको संस्था नेपलिज आईज फाउन्डेशन फर एजुकेशन, (nepalese eyes foundation for education) नेदरल्याण्डले शैक्षिक तथा खेलकुदका समाग्री हस्तान्तरण गरेको छ ।
नेपाली विद्यार्थीहरुको संस्था नेपलिज आईज फाउनडेशन फर एजुकेशन नेदरल्याण्डको रु ५ लाख आर्थिक सहयोगमा निर्माण गरिएको एक कोठे भवनको अनुगमनका लागि आएका संस्थाका उपप्रमुख राज गिरी र सल्लाहकार सस्किया काईजाले एक कार्यक्रमका विच समाग्री हस्तान्तरण गरेका हुन ।
सो अवसरमा १ लाख ५० हजार वरावरका पुस्तक, कक्षा १ देखि ५ सम्मका विभिन्न विषयका शिक्षण सामगी् र, खेलकुद्र लगायतका शैक्षिक सामागी्र वितरण गरिएको स्थानिय गुमानसिंह वुढाथोकीले जानकारी दिए ।
सो अवसरमा अतिथि, शिक्षक, अभिभावक तथा विद्यार्थी विच वालमनोविज्ञान र सिकाई विषयक अन्तरक्रिया कार्यक्रम पनि सम्पन्न गरिएको थियो ।
कार्यक्रममा बोल्दै नेपलिज आईज फाउन्डेशन फर एजुकेशन नेदरल्याण्डका उपप्रमुख राज गिरीले आगामि दिनमा पनि भौतिक तथा नैतिक सहयोग जारी राख्ने भन्दै आफुहरुले गरेको सहयोगको सहि सदुपयोग गर्न आग्रह गरेका छन ।
सल्लाहकार सस्किया काईजाले बालवालिकाको मनोविज्ञान वुझेर शिक्षण सिकाई क्रियाकलाप सञ्चालन गर्नुपर्ने वताईन । उनले वालवालिकाको मनोविज्ञानको ख्याल नगरिकान गरिने सिकाई उपलब्धि विहिन हुने भन्दै शिक्षणको क्रममा वालमनोविज्ञान प्रति शिक्षकले हरक्षेण ध्यान दिनुपर्ने वताएकी थिईन ।
कार्यक्रममा समाजसेवि गुमानसिंह बुढाथोकी र पुर्ण बहादुर खत्रीले शुभकामना मनतव्य व्यक्त गरेका थिए ।
कार्यक्रम विद्यालय व्यवस्थापन समितिका अध्यक्ष खिमलाल शर्माको अध्यक्षता, प्रधानाध्यापक पूर्ण बहादुर खड्काको स्वागत मन्तव्य र शिक्षक धन प्रसाद सुवेदीको सञ्चालनमा सम्पन्न भएको थियो ।