बागलुङ,वैशाख १ । विद्यालयको भौतिक पूर्वाधार निर्माणका लागि बागलुङ बोहोरागाउँको झिवाखोलामा रहेको जनमाविका शिक्षक, शिक्षक अभिभावकसंघका पदाधिकारीलगायत स्थानीयबासीहरु आर्थिक संकलन अभियानमा लागेका छन् । विद्यालयको भौतिक, शैक्षिक र गुणस्तरीय शिक्षाको विकासका लागि गत २७ गतेदेखि आर्थिक संकलन अभियान सुरु गरिएको र हालसम्म ८ लाख ६७ हजार रुपैयाँ संकलन भईसकेको विद्यालयले जनाएको छ । आर्थिक संकलन अभियान निरन्तर जारी रहनेपनि विद्यालयले जनाएको छ ।
यसैबिच निसीखोला खोला बचत तथा ऋण सहकारी संस्थाको बैठक सम्पन्न भएको छ । सञ्चालक समितीका उपाध्यक्ष टंक प्रसाद शर्मा पौडेलको अध्यक्षतामा बसेको बैठकले नँया बर्ष २०७० को सभकामना आदान प्रदान सहित बचत लगानी, असुली, बचत, कर्मचारी नियुक्तीलगायतका विषयमा छलफल गरेको छ । बैठक संस्थाका सचिव रिमप्रसाद पौडेलको सञ्चालनमा सम्पन्न भएको थियो