प्रदीप न्यौपाने/काठमाडौं
शिक्षक सेवा आयोगले प्रकाशित गरेको माध्यमिक र निम्न माध्यमिक तहको लिखित परीक्षामा व्यापक रूपमा आर्थिक अनियमितता भएको उजुरी परेपछि अख्तियार दुरुपयोग अनुसन्धान आयोगले मौखिक परीक्षा तत्काल रोक्न निर्देशन दिएको छ । अख्तियारको यो निर्देशनसँगै शिक्षक सेवा आयोगले १७ वर्षपछि लिन लागेको परीक्षा गम्भीर विवादमा परेको छ । अख्तियारको यो निर्देशनसँगै शुक्रबारदेखि हुने भनिएको मौखिक परीक्षा स्थगित भएको छ । आयोगले विकास क्षेत्रबाट लिने गरी शुक्रबारदेखि सुदूर पश्चिमाञ्चलबाट मौखिक परीक्षा लिन लागेको थियो ।
शिक्षक सेवा आयोगले प्रकाशित गरेको माध्यमिक र निम्न माध्यमिक तहको लिखित परीक्षामा व्यापक रूपमा आर्थिक अनियमितता भएको उजुरी परेपछि अख्तियार दुरुपयोग अनुसन्धान आयोगले मौखिक परीक्षा तत्काल रोक्न निर्देशन दिएको छ । अख्तियारको यो निर्देशनसँगै शिक्षक सेवा आयोगले १७ वर्षपछि लिन लागेको परीक्षा गम्भीर विवादमा परेको छ । अख्तियारको यो निर्देशनसँगै शुक्रबारदेखि हुने भनिएको मौखिक परीक्षा स्थगित भएको छ । आयोगले विकास क्षेत्रबाट लिने गरी शुक्रबारदेखि सुदूर पश्चिमाञ्चलबाट मौखिक परीक्षा लिन लागेको थियो ।
अख्तियार दुरुपयोग अनुसन्धान आयोगका प्रवक्ता श्रीधर सापकोटाका अनुसार परीक्षाफलको विषयमा दर्जनौं उजुरी परेपछि छानबिन गर्न तत्काल मौखिक परीक्षा रोक्न निर्देशन दिइएको हो । अख्तियारले आइतबारदेखि छानबिन प्रक्रिया अगाडि बढाउने तयारी गरेको छ । शिक्षक सेवा आयोगका उपसचिव नारायणप्रसाद भट्टराईले भने माध्यमिक र निम्नमाध्यमिक तहको परीक्षामा कुनै आर्थिक अनियमितता नभएको जिकिर गरे ।
परीक्षाको नतिजा निष्पक्ष रूपमा प्रकाशित गरेको बताउँदै आयोगका प्रवक्तासमेत रहेका भट्टराईले राजधानीसँग भने, ‘अख्तियारले रोक्न निर्देशन दिएपछि अन्तिम समयमा आएर अन्तर्वार्ता रोक्का गर्नुपरेको हो ।’ अख्तियारको यो निर्देशनसँगै प्राथमिक तहको लिखित परीक्षाको नतिजासमेत रोक्का हुने भएको छ । अख्तियारको निर्देशनलगत्तै अन्तर्वार्र्ता लिन सुदूरपश्चिमाञ्चल र मध्यपश्चिमाञ्चल विकास क्षेत्रमा पुगेका उच्च अधिकारीको टोली शुक्रबार नै काठमाडौं फिर्ता भएको छ । स्रोतका अनुसार लिखित परीक्षाको परीक्षाफल प्रकाशनमा आर्थिक अनियमितता भएको आरोप लागेपछि अख्तियारले तत्काल स्थगित गर्न बुधबार नै निर्देशन दिएको थियो ।
यद्यपि, शिक्षक सेवा आयोगले त्यसलाई गोप्य राखेको थियो । स्रोतका अनुसार शिक्षक सेवा आयोगका कर्मचारी र शिक्षा मन्त्रालयका उच्च अधिकारीको मिलेमतोमा परीक्षाफल प्रकाशित गरिएको थियो । सो परीक्षामा शिक्षकका पेसागत संस्थाका जिल्ला नेताहरूसमेत अनुत्तीर्ण भएका छन् । शिक्षकका पेसागत संस्थाका नेता र दलका शीर्ष नेताले शिक्षक सेवा आयोगका पदाधिकारीलाई परीक्षाको लिखित तथा अन्तर्वार्ता स्थगन गर्न दबाब दिँदै आएका थिए ।
शिक्षक सेवा आयोगले गत ९, १० र ११ जेठमा माध्यमिक, निम्न माध्यमिक र प्राथमिक तहका शिÔकका लागि परीÔा सञ्चालन गरेको थियो । तीन तहमा गरेर १३ हजार ५१ कोेटाका लागि परीÔा लिइएको थियो ।
Source:erajdhani.com