काठमाडौं, जेठ १३ । अख्तियार दुरूपयोग अनुसन्धान आयोगले पूर्वाञ्चल विश्वविद्यालयका पूर्व उपकुलपतिसहित ६ जनालाई पक्राउ गरेको छ । पक्राउ पर्नेमा निलम्वनमा परेका पूर्व उपकुलपति डा. महेश्वरमान श्रेष्ठ, पूर्व रजिष्ट्रार डा. निरोज पाण्डे, पूर्व परीक्षा नियन्त्रक मोहनबहादुर बस्नेत, विज्ञान तथा प्रविधि संकायका डिन शुभनारायण पाठक, व्यवस्थापन संकायका डिन श्यामबहादुर कटुवाल र विज्ञान तथा पूर्व प्रविधि संकायका सह-डिन राजेश कुमार झा रहेका छन् ।
कला, शिक्षा र कानून संकायका पूर्व डिन शम्भु प्रसाद कोइराला भने फरार रहेका अख्तियारले जनाएको छ । उनीहरूले शैक्षिक सत्र २०७०र०७१ मा आवेदन शुल्क तथा कार्यक्रम थप वापत लिनुपर्ने १ करोड ३२ लाख ७५ हजार र नयाँ सम्बन्धन बापत उठाउनुपर्ने २ करोड ९५ लाख ९५ हजार गरी जम्मा ४ करोड २८ लाख ७० हजार रकम नउठाई विश्वविद्यालयलाई हानि नोक्सानी पुर्याएको अख्तियारको दाबी छ ।