१६ जेठ , काठमाडौं । उच्चमाध्यमिक शिक्षा एसोसियसन नेपाल (हिस्टान) ले उच्चमाध्यामिक शिक्षा परिषदको परीक्षा शाखामा ११ बुँदे माग राख्दै तालाबन्दि गरेको छ ।
करिव एक महिनादेखि एसएलसी परीक्षाको उत्तरपुस्तिका नजाचिँ विरोधमा उत्रिएको हिस्टानले शुक्रवार विरोध स्वरुप तालाबन्दि गरेको हो ।
देशभरिका सामुदायिक तथा निजी उच्च माविमा पढाउने शिक्षकहरूको नियुक्तिपत्रको व्यवस्था तत्काल गर्नुपर्ने, शिक्षाको नियुक्तिमा स्थायी, अस्थायी र करारको व्यवस्था हुनुपर्ने, शिक्षकहरुको संचयकोषको, विमाको व्यवस्था गर्नुपर्ने, रत्येक उमाविमा विषयगत पाँच जनाको दरबन्दी कायम गर्नुपर्ने लगायतका ११ बुँदे माग सहित आज तालाबन्दी गरेको हिस्टानका महासचिव पुष्प न्यौपानेले एजुकेशन खबरलाई जानकारी दिनुभयो । शुक्रबार विहान गरिएको तालाबन्दी कार्यक्रममा हिस्टानका सम्पूर्ण पदाधिकारीहरुको उपस्थिति रहेकोथियो ।