Skip to main content

शिक्षकले सिक्न थाले कम्प्युटर

११ जेठ, जाजरकोट । पाठयक्रममै कम्प्युटर शिक्षा राखेको एक वर्षपछि जाजरकोटका शिक्षकहरु बल्ल कम्प्युटर सिक्न थालेका छन् । जिल्लाका अधिकांश विद्यालयमा कम्प्युटर विषय पढाउने शिक्षकहरु अहिले सदरमुकामका इन्स्टिच्युटमा धाउन थालेका छन्
computerजिल्ला शिक्षा कार्यालयले सञ्चालन गरेको कम्प्युटर अध्यापन हुने विद्यालयका लागि १० दिने आइसिटी क्षमता विकाससम्बन्धी तालिममा सहभागी भएपछि धेरै शिक्षकले कम्प्युटर सिक्न थालेका हुन् । तालिममा कम्प्युटर खोल्न, बन्द गर्न, फाइल बनाउन, डाटा राख्न र इन्टरनेट सञ्चालन गर्न सिकेका शिक्षकहरु कम्प्युटरसम्बन्धी थप दक्षता हासिल गर्न कम्प्युटर इन्स्टिच्युट जान थालेका हुन् ।
हालै जिल्ला शिक्षा कार्यालयले ११५ जना शिक्षकलाई कम्प्युटरसम्बन्धी १० दिने तालिम दिएको छ । तालिम लिएका शिक्षक कार्यरत विद्यालयलाई कम्प्युटर खरिद तथा पूर्वाधार विकासका लागि प्रतिविद्यालय एक लाख ४० हजार रुपैयाँ प्रदान गरिने जिल्ला शिक्षा अधिकारी गिरमान थापाले जानकारी दिए ।
थापाले बिस्तारै सबै विद्यालयमा कम्प्युटर तथा इन्टरनेटको व्यवस्था र यससम्बन्धी एकजना तालिम प्राप्त शिक्षकको व्यवस्था गर्ने लक्ष्य रहेको बताए । विद्युत्को अभावका कारण यस जिल्लाका धेरैजसो विद्यालय कम्प्युटरविहीन छन् भने शिक्षकहरुमा पनि यससम्बन्धी ज्ञान र सीपको अभाव छ । विद्यालयमा सञ्चार प्रविधिको विकास गरी पठनपाठनमा गुणस्तरियता ल्याउने सरकारी लक्ष्य रहे पनि जाजरकोटजस्ता दुर्गम जिल्लाका लागि यो कार्यक्रम सफल बनाउनु कम चुनौतीपूर्णर् नभएको सरोकारवालाको भनाइ छ ।
विद्यार्थीहरुले अघिल्लो शैक्षिकसत्रमा कम्प्युटरको किताब नै नपढिकन परीक्षा दिएका थिए । रासस

Popular posts from this blog

नेपाल रेडक्रस सोसाइटी

विश्व रेडक्रस अभियानमा सहभागी हुने उदेश्यका साथ नेपाल रेडक्रस सोसाइटी वि.स.२०२० भाद्र १९ गते स्थापना भएको थियो । तत्कालीन स्वास्थ मन्त्री डा.नागेश्वोरप्रसाद सिंहको अ...

कार्यमूलक अनुसन्धान सम्बन्धि जानकारी र केही नमुनाहरु

एक्सन रिसर्च  सन् १९०३ पश्चात् कार्यमूलक अनुसन्धानको प्रयोग शैक्षिक क्षेत्रमा सुरुआत भएको हो । अधिकांश शिक्षकहरु स्वयम्मा एक्सन प्लान, एक्सन रिसर्च, प्रोजेक्ट वर्क जस्ता टर्महरुमा अलमलमा परेको वा एकै प्रकारले व्याख्या गर्ने र बुझ्ने गरेको समेत पाइएको छ ।विशेषतः शिक्षण सिकाइ प्रक्रियाको सिलसिलामा शिक्षकले फेस गर्नुपरेका समस्याहरु समाधान गर्नका लागि कार्यमूलक अनुसन्धान गर्ने र उक्त अनुसन्धानबाट शिक्षण सिकाइमा आएको सुधारसहितको प्रतिवेदन प्रस्तुति एक महत्वपूर्ण शैक्षिक पक्षमा हामी शिक्षण पेसाकर्मीहरु जुटिरहेका छौं । शैक्षिक स्तरीयतामा अभिवृद्धि सहितको कक्षाकोठाको क्रियाकलापमा सहजता र सरलता स्थापना गर्दै दैनिक शैक्षिक क्रियाकलाप समस्यामूक्त बनाउने काम नै एक्सन रिसर्चको अभिष्ट हो । यो गरेर सिक्ने विधि हो । एक्सन रिसर्च के हो ? एक्सन रिसर्चको व्यापक परिभाषा र अर्थको सहजीकरण लामो र विस्तृत विषय हो । संक्षिप्तमा त पहिचान हुनु जरुरी छ नै । खासगरी शिक्षकद्वारा गरिने ...

कार्यमुलक अनुसन्धानहरु

सामुदायिक विद्यालयका प्रधानाध्यापकको नेतृत्व क्षमता पहिचान ईश्वरीप्रसाद पोखरेल (कार्यमुलक अनुसन्धान ) १. परिचय नेपाल राजनैतिक रुपमा एकात्मक राज्य प्रणालीका विविध ...