सुवास कँडेल, बागलुङ २०६९ चैत ३ । बागलुङमा यो वर्षको एसएलसी परीक्षालाई मर्यादित बनाउन तयार गरिएको आचारसंहिता कार्यान्वयनको विषयले यतिवेला जिल्ला शिक्षा कार्यालयमा तनाव उत्पन्न भएको छ ।
जिल्ला शिक्षा अधिकारी नन्दलाल पौडेलले परीक्षाको पहिलो दिन चार जना विद्यालय निरीक्षकहरु फणिन्द्र आचार्य, मञ्जु शर्मा, रञ्जना पन्त र नारायण लामिछानेलाई परीक्षा स्थलमै परीक्षालाई मर्यादित बनाउन तयार परोको १७ बुँदे आचारसंहिता उल्लंघन गरेको भनेर कार्वाहिका लागि केन्द्राध्यक्षलाई सिफारिस गरेका छन् । तर त्यस्को केहि घण्टा नवित्दै जिल्ला शिक्षा अधिकारी र कार्यालयका अरु कर्मचारीहरुलाई कार्वाही फुकुवा गर्नका लािग दवाव आउन थालेको शिक्षा स्रोतले बताएको छ ।
खास गरि राजनीतिक दल र शिक्षक संगठनहरुले उक्त आचारसंहिता पालना गर्ने भनेपनि कार्वाहिको सिफारिसमा परेका चार जनालाई उन्मुक्ति दिनका लागि दवाव दिएको जिल्ला शिक्षा अधिकारी पौडेलले बताउदै आचारसंहिता उल्लंघन गर्ने चारै जनालाई पुनः निरीक्षकको रुपमा राख्न नमिल्ने स्पष्ट पारेका छन् ।
शिक्षा कार्यालयले एक सूचना जारी गरि नाम फरक परेको भनेर उम्कन खोजेपनि कतिपयले यसलाई जिल्ला शिक्षा अधिकारीकै कमजोरीको रुपमा बुझेका छन् । जिशिअ पौडेलले पहिलो दिन पत्रकारकै रोहवरमा चार जना निरीक्षकको नाम सार्वजनिक गरेका थिए तर अहिले आएर शिक्षक संघ संगठनको दवाव पछि कार्यालयले आफुले नाम नदिएको तर, पत्रकारले थाहा पाएको भनेर भाका फेरेको छ ।
जिल्लाका केहि राजनीतिक दल र शिक्षक संघ संगठनले कार्वाहिमा परेकालाई जिल्ला शिक्षा कार्यालयमा गएर दवाव दिदै कार्वाहिमा परेका निरिक्षकहरुलाई कार्वाहि नगर्न आग्रह गरेपछि शिक्षा कार्यालय केहि लचिलो बनेको बताईन्छ । तर, जिल्ला शिक्षा अधिकारी पौडेलले भने भोलिका दिनमा ती निरीक्षकहरु परीक्षामा सहभागी गराए अर्को कदम चाल्ने बताए ।
जिल्ला शिक्षा अधिकारी पौडेललाई सम्पर्क गरि अन्तवार्ता दिन आग्रह गर्दा आफु विवादमा आउन नचाहेको प्रतिक्रिया दिए । उनले अन्तरवार्ता पछि झन् ठुलो दवाव आउनसक्ने भएकाले कुराकानी गर्न नचाहेको पनि बताए ।
२ चैत,महोत्तरी/
महोत्तरीको गौशालामा रहेको त्रिभुवन उच्च मावि परीक्षाकेन्द्रमा संचारकर्मीलाई परीक्षाहलमा प्रवेश गर्नमा रोक लगाएका छन । एसएलसी परीक्षाको दोश्रो दिन नेपाली विषयको परीक्षा चलिरहेको बेलामा जिल्ला शिक्षा कार्यालय जलेश्वरबाट आएको अनुगमन टोली संग पत्रकारहरू रिपोर्टिङ्ग गर्न जादा विशेष परिस्थितीमा मात्रै परीक्षाहल भित्र रिपोटिङ्ग गर्न सक्ने भन्दै स्थानिय प्रशासनले रोक लगाएको हो । यता प्रमुख जिल्ला अधिकारी विष्णु थापा, जिल्ला शिक्षा अधिकारी कृष्ण प्रसाद पोखरेल तथा नेपाल पत्रकार महासंघ महोत्तरीका अध्यक्ष हरी मण्डलसंग जानकारी लिदा एसएलसी परीक्षा अबधी भरी पत्रकारले आफनो परिचयपत्र देखाई केन्द्राध्यक्ष वा अनुगमन टोलीसंग रिपोर्टिङ्ग गर्न सक्ने बताउनुभयो ।