गल्कोट, २०६९ चैत १६ । उच्च माध्यमिक शिक्षा परिषदले यहि बैशाख १७ गतेदेखि सञ्चालन गर्न लागेको कक्षा १२ र बैशाख ३१ गतेदेखि सञ्चालन गर्न लागेको कक्षा ११ को परीक्षाका लागि शिक्षा परिषद पोखराले ..............
पठाएको एक बोरा उत्तरपुस्तिका आज बागलुङ बुर्तिबाङ सडकखण्डको हटिया गाविस ६ डाँडाखेतमा बाटोमा अलपत्र अबस्थामा भेटिएको छ ।
पठाएको एक बोरा उत्तरपुस्तिका आज बागलुङ बुर्तिबाङ सडकखण्डको हटिया गाविस ६ डाँडाखेतमा बाटोमा अलपत्र अबस्थामा भेटिएको छ ।
उक्त उत्तरपुस्तिका स्थानीय युवाहरुले ढलेपिपलनेर बाटोमा बेबारिसे अबस्थामा फेला पारेपछि हटिया प्रहरीचौकीमा बुझाएका थिए । उक्त उत्तरपुस्तिका कहाँबाट ल्याएको र कहाँ लाने भन्ने बारे थाहा नभएको र उत्तरपुस्तिका ल्याउने सवारी साधनको नम्बर पनि खुल्न नसकेको प्रहरी सहायक निरीक्षक रुद्रप्रसाद शर्माले जानकारी दिए ।
यता उत्तरगंगा उच्चमाविका प्राचार्य ईश्वरीप्रसाद पौडेलले भने उच्च माध्यमिक शिक्षा परिषद पोखराबाट उत्तरगंगा उच्चमावि र भानु उच्चमावि परीक्षा केन्द्रका लागि उत्तरपुस्तिका लिएर आउने क्रममा नरेठाँटीको गौदीखोलामा गाडी तर्न नसकेपछि नरेठाँटीकै एक घरमा छोडिएकाले लिन जानु भनेर शिक्षा परिषदका कर्मचारी माफर्त निर्देशन आएको बताए । तर उत्तरपुस्तिका नरेठाँटी देखी एक घण्टाको दूरीमा भेटिनु र चैतको खडेरीमा गाडी खोला तर्न नसकेको भन्नु विश्वसनीय देखिदैन ।