९ चैत, काठमाडौं । बिद्यालय शिक्षाको
अन्तिम खुड्किलोको रुपमा रहेको एसएलसी परीक्षा शुक्रबारदेखि सकिएको छ । गत १
गतेदेखि शुरु भएको परीक्षामा विद्यार्थीहरुले सबै विषयको लिखित परीक्षा
दिइसकेका छन् । केही प्रयोगात्मक विषयको परीक्षा विद्यालय आफैंले लिने
व्यवस्था छ । यस हिसाबले यस वर्षको एसएलसीमा सहभागी झण्डै साढे ५ लाख
विद्यार्थी शुक्रबारदेखि फुर्सदिला भएका छन् ।
परीक्षा सकिएको दिन सबैलाई हाईसञ्चो हुन्छ
। त्यसमाथि सबैले निकै महत्व दिने एसएलसी परीक्षा सकिएको दिन त बिझेको
काँडा झिके जस्तै नै आनन्द हुन्छ । नतिजा सार्वजनिक हुने अबको तीन
महिनासम्म विद्यार्थीहरु फुर्सदिला हुन्छन् । एसएलसी सकिएपछि बि्रजकोर्स
गर्ने, कम्प्युटर र भाषा सिक्ने प्रवृत्ति हिजोआज फेशन जस्तै भएको छ ।
शहरबजारमा मात्रै होइन, गाउँघरमा समेत विद्यार्थीलाई लोभ्याउने गरी यस्ता
तालिमे केन्द्र स्थापना भएका छन् । तर शिक्षाविदको सुझाव छ-’पहिले के पढ्ने
भनेर निक्र्योल नगर्दासम्म बि्रजकोर्समा फस्न हुन्न ।’
एलएलसीको परीक्षा सकेर फुर्सदिला भएका विद्यार्थीहरुलाई शिक्षाविद डा. विद्यानाथ कोइरालाको सुझाव यस्तो छ :
· जाँच सकिने बित्तिकै अब के गर्ने भनेर चिन्ता नगर्नुस् । दुईचार दिन मज्जाले सुत्नुस् । शरीरलाई ‘रिल्याक्स’ हुने गरी आनन्दले सुत्नु उपयुक्त हुन्छ ।
· बाआमाले १० वर्ष मेरो पढाईमा लगानी गरे, अब मैले बाआमालाई के गर्न सक्छु भनेर सोच्नुहोस् । परिवार, आफन्त र नजिकका मान्छेसँग यसबारेमा सोधखोज गरेर आफूले कुन लाइन लिँदा राम्रो हुन्छ भनेर निर्णय गर्नुस् ।
· आफूले के सीप सिक्न सक्छु भनेर बिचार गर्नुस् । यस्ता सीपमा मोबाइल, घडी, रेडियो, कम्प्युटर बनाउनेदेखि खेतीकिसानीका नयाँ र नौला प्रविधि समेत पर्छन् ।
· बि्रज कोर्समा नफस्नुस् । मैले कुन विषय पढ्दा उपयुक्त हुन्छ भन्ने कुरा निक्र्योल गर्नुहोस् । आफ्नो रहर, बाबुआमाको हैसियत, सम्बन्धित विषयको पृष्ठभूमि र त्यसको भविष्य, छात्रवृत्ति पाइने/नपाइने अवस्था जस्ता धेरै कुरा पहिले ख्याल गर्नुपर्छ । आफ्नो रहर र क्षमताले धान्ने र उपयुक्त लाग्ने विषय छनोट गरिसकेपछि मात्र बि्रजकोर्स गर्नु राम्रो हुन्छ ।
· जाँच सकिने बित्तिकै अब के गर्ने भनेर चिन्ता नगर्नुस् । दुईचार दिन मज्जाले सुत्नुस् । शरीरलाई ‘रिल्याक्स’ हुने गरी आनन्दले सुत्नु उपयुक्त हुन्छ ।
· बाआमाले १० वर्ष मेरो पढाईमा लगानी गरे, अब मैले बाआमालाई के गर्न सक्छु भनेर सोच्नुहोस् । परिवार, आफन्त र नजिकका मान्छेसँग यसबारेमा सोधखोज गरेर आफूले कुन लाइन लिँदा राम्रो हुन्छ भनेर निर्णय गर्नुस् ।
· आफूले के सीप सिक्न सक्छु भनेर बिचार गर्नुस् । यस्ता सीपमा मोबाइल, घडी, रेडियो, कम्प्युटर बनाउनेदेखि खेतीकिसानीका नयाँ र नौला प्रविधि समेत पर्छन् ।
· बि्रज कोर्समा नफस्नुस् । मैले कुन विषय पढ्दा उपयुक्त हुन्छ भन्ने कुरा निक्र्योल गर्नुहोस् । आफ्नो रहर, बाबुआमाको हैसियत, सम्बन्धित विषयको पृष्ठभूमि र त्यसको भविष्य, छात्रवृत्ति पाइने/नपाइने अवस्था जस्ता धेरै कुरा पहिले ख्याल गर्नुपर्छ । आफ्नो रहर र क्षमताले धान्ने र उपयुक्त लाग्ने विषय छनोट गरिसकेपछि मात्र बि्रजकोर्स गर्नु राम्रो हुन्छ ।