हेटौंडा, १३ भदौ बिद्यालयको पठनपाठन ठप्प पारी आन्दोलनमा उत्रिएका संस्थागत विद्यालयका शिक्षकलाई पुनरावेदन अदालत हेटौंडाले बिद्यालय बन्द नगर्न अन्तरिम आदेश जारी गरेको छ । पुनरावेदन अदालतका न्यायाधीश पुरुषोत्तम भण्डारीको एकल इजलासले बिहिबार विद्यालयको पठनपाठन नरोक्न आदेश दिएको हो ।
आदेश जारी गरेको हो । रिटमाथिको बहसपछि अदालतले शिक्षा जस्तो क्षेत्रमा आघात पुग्ने गरी एकैपटक बन्द जस्तो अन्तिम अस्त्र प्रयोग गरी बालबालिकाको शिक्षा पाउने अधिकार हनन नगर्नु गर्न नलगाउनु, पठनपाठन नरोक्नु भनी विपक्षीहरुको नाममा पुनरावेदन अदालत नियमावली बमोजिम अन्तरिम आदेश जारी गरिएको उल्लेख छ । अदालतमा कालुमान स्याङ्बोद्धारा प्याब्सन, एनप्याब्सन र शिक्षा कार्यालय मकवानपुरलाई विपक्षी बनाई बन्दले बालबालिकाको पढन पाउने नैसर्गिक अधिकार हनन भएको भन्दै रिट दायर गरेका थिए । अदालतले विपक्षीहरुलाई १५ दिन भित्र के भएको हो ?, निवेदन माग बमोजिम आदेश जारी हुनुपर्ने हो वा होइन ? त्यस्तो आदेश जारी हुनुनपर्ने भए आधार र कारणसहित लिखित जवाफ पेश गर्न आदेश दिएको छ ।
शिक्षकहरुको तलब वृद्धि, नियुक्तीपत्र, सञ्चय कोष, उपदान बिदालगायतको माग गर्दै १० भदौबाट पठनपाठन ठप्प पारेर आन्दोलनमा उत्रिएका छन् । केन्द्रीयस्तरमा सहमति भए पनि जिल्लामा उठान गरिएका माग पुरा नभएसम्म आन्दोलन नरोक्ने भन्दै शिक्षकहरु आन्दोलनरत छन् । माग सम्बोधन नभएको भन्दै संयुक्त संघर्ष समितिका संयोजक दीपक गौतम र शिक्षिका करुणा थापा शिक्षा कार्यालयमा आमरण अनसनमा बसेका छन् । आन्दोलनमा नेपाल संस्थागत विद्यालय शिक्षक युनियन( नेपाल इस्टु) र संस्थागत विद्यालय शिक्षक युनियन नेपाल( इस्टु)को नेतृत्व रहेको छ । चार दिनदेखि जिल्लाका ७३ वटा विद्यालय बन्दहु“दा २१ हजार विद्यार्थी पठनपाठनबाट बञ्चित भएका छन् ।