कोपिला कडेल, बागलुङ २०७० असोज ११ । नेपाल शिक्षक सघं बागलुङको आयोजनामा आज देखी माध्यमिक बिद्यालयस्तरिय गणित शिक्षक प्रशिक्षक प्रशिक्षण तालिम शुरु भएको छ ।
तालिमको उद्घाटन गर्दै जिल्ला शिक्षा अधिकारी नन्दलाल पौडेलले शिक्षकहरुले आफ्नो गरिमालाई उचो राख्नका लागि शिक्षामा गुणस्तर बृद्धि गर्नुपर्ने बताए ।
गणित बिषयको जिल्लाको औसत उपलब्धी ३४ प्रतिशत मात्र रहेको भन्दै जिशिअ पौडेलले– शिक्षकले शिक्षणको पाटोलाई निरन्तर चिन्तन मनन गर्नुपर्नेमा जोड दिए । उनले जिल्लाको समग्र शैक्षिक अवस्थालाई नियाल्दा गणित र बिज्ञान बिषयमा धेरै बिद्यार्थी फेल हुने गरेको भन्दै शिक्षकहरुलाई आफ्नो पेसागत दक्षता र गुणस्तरियतामा ध्यान दिन आग्रह गरेका थिए ।
सो अवसरमा तालिमका प्रशिक्षक जीवनाथ शर्मा र सुर्य प्रसाद कडेल र नेपाल शिक्षक सघं बागलुङका सहसचिव राजेन्द्र पौडेलले मन्तब्य दिएका थिए । कार्यक्रम नेपाल शिक्षक सघं बागलुङका अध्यक्ष सागर खरेलको अध्यक्षतामासम्पन्न भएको थियो ।
यसैवीच आशिंक प्राध्यापक सघं धौलागिरी बहुमुखी क्याम्पस बागलुङको आयोजनामा धौलागिरी बहुमुखी क्याम्पसका आंशिक प्राध्यापकहरुको पेसागत सुरक्षा बिषयक अन्र्तक्रिया कार्यक्रम आज एक समारोहका बिच सम्पन्न भएको छ । सो अवसरमा बोल्ने सहभागिले आंशिक प्राध्यापक लाई प्रक्रिया पुर्याएर करारमा नियुक्त गर्न माग गरेका थिए ।
आंशिक प्राध्यापकले पुर्णकालिन भार बहन गर्नुपरेको भन्दै सहभागिले– क्याम्पस प्रशासनले १ सय ५० दिने अध्यापन गराउने वातावरण गराईदिनुपर्ने बताएका थिए ।
आंशिक प्राध्यापकका समस्या सबैका साझा हुनुपर्ने भन्दै सहभागीले क्याम्पस प्रशासन लगायत सम्पुर्ण पेसागत संघ संगठनले साझा अभियानकै रुपमा समाधान खोज्नुपर्नेमा जोड दिए ।
सो अवसरमा क्याम्पस प्रमुख आनन्दराज सिलवाल, सहायक क्याम्पस प्रमुख ओम प्रकाश शर्मा, प्राध्यापक ईकाइ सघंका सभपती गोबिन्द गौतम, प्रगतिशिल प्राध्यापक सघंका अध्यक्ष प्रकाश साप्कोटा,राष्ट्रिय प्राध्यापक सघंका अध्यक्ष डा. दिन बहादुर थापा, प्रजातन्त्रबादी प्राध्यापक सघंका अध्यक्ष रामचन्द्र शर्मा, त्रिभुवन विश्व बिद्यालय कर्मचारी सघंका अध्यक्ष शिब प्रसाद पाध्या र स्वबियु सभापती प्रेम सुबेदी लगायतले मन्तब्य ब्यक्त गरेका थिए ।
कार्यक्रममा आंशिक प्राध्यापक संघ धौलागिरी बहुमुखी क्यापसका अध्यक्ष शिव प्रसाद पौडेलले कार्यपत्र प्रस्तुत गरेका थिए ।
source:www.ebaglung.com