पर्वत, २०७० पुष १५ । विद्याज्योती उच्च मावि माझफाँटको ६६ औ वार्षिकउत्सव एवं अभिभावक दिवस सोमबार विबिध कार्यक्रम गरि मनाइएको छ ।विद्यालय व्यवस्थापन समितिका अध्यक्ष ईन्दुप्रकाश पौडेलको अध्यक्षता, बरिष्ठ समाजसेवी तथा पुर्व अध्यक्ष भवानीशंकर पौडेल, शिक्षक रघुनाथ आचार्यको सञ्चालन र शिक्षिक अभिभावक संघका अध्यक्ष चन्द्रबहादुर खत्रीको स्वागत मन्तव्यमा कार्यक्रम सम्पन्न भएको थियो ।
कार्यक्रममा नेपाली काँग्रेसका चन्द्रबहादुर जिसी, राप्रपा नेपालका पदमबहादुर नेपाली, हिमशुशेली युवा कलवका अध्यक्ष नविन जिसी, माझफाट स्वास्थ्य चौकीका प्रमुख गोरे नेपाली, भुपु विद्यार्थी समाजका अध्यक्ष डम्मरबहादुर जिसी, उच्च मावि संयोजक प्रेमबहादुर जिसी, विद्यालय व्यवस्थापन समितिका सदस्य गुमानसिंह कार्की, गंगबहादुर नेपाली, टेकबहादुर जिसी, पुर्व विद्यालय व्यवस्थापन समितिका अध्यक्ष टेकबहादुर खत्री, कान्तिपुर रोटरी कल्व काठमाडौका पुर्व अध्यक्ष धु्रब कुँवर र कक्षा ८ का विद्यार्थी सुजन नेपालीले मन्तव्य व्यक्त गरेका थिए ।
सोही कार्यक्रममा कान्तिपुर रोटरी कल्वको तर्फबाट १३ जना गरिब तथा जेहेन्दार छात्रछात्रालाई जनही १८ सयका दरले कल्वका अध्यक्ष धु्रब कुवरले छात्रवृती वितरण गरेका थिए । यसैगरी क्षेत्री समाज नेपाल पर्वतद्धारा जिल्लाका १३ जना छात्रछात्रालाई वितरण गर्ने छात्रवृती मध्य विद्याज्योती उच्च माविका कक्षा ८ मा अध्ययनरत सन्तोष जिसीलाई १२ सय रुपैया क्षेत्री समाज मल्लाजका अध्यक्ष गुमानसिंह कार्कीले हस्तान्तरण गरेका थिए । सो कार्यक्रममा सांस्कृतीक कार्यक्रम तथा अतिरिक्त क्रियाकलापमा संलग्न विद्यार्थीलाई प्रोत्साहन स्वरुप शेरबहादुर खत्रीले ५ सय रुपैया उपलब्ध गराएका थिए ।
कार्यक्रममा उत्कृष्ट विद्यार्थीहरुलाई पुरस्कृत गरिएको थियो । कार्यक्रमका वक्ताहरुले विद्यालयको शैक्षिक गुणस्तर वृद्धीमा जोड दिएका थिए । सोही अवसरमा हिमशुसेली युवा कल्वका अध्यक्ष नविन जिसीले मल्लाजमा रहेका सबै विद्यालयमा मल्लाज स्वास्थ्यचौकी र विद्यालयको पहलमा महिनाको एक पटक स्वास्थ्य परिक्षण कार्यक्रम गर्न गर्नुभएको प्रस्ताव प्रति सहभागीले सहमती जनाएका थिए ।