बिद्यालयलाई त्रिपक्षीय सहयोग

 ।  काभ्रे / चैत्र  १६  गते

काभ्रेको तिमाल क्षेत्रमा पर्ने सस्र्यूंखर्क स्थित पञ्चकन्या प्राथमिक विद्यालयमा तिनवटा सामाजिक संस्थाले एकसाथ विद्यालयलाई सहयोग गरेका छन् । मातृभूमिका लागि युवा अभियान नेपाल, नेप्लीज फेशन होम तथा महेन्द्र स्मृति प्रतिष्ठान काठमाडौंले विहिवार एक कार्यक्रमका विच सहयोग हस्तान्तरण गरेका हुन् । लामो समयदेखी विद्यालयका लागि आवश्यक पर्ने शैक्षिक तथा भौतिक सामाग्रि प्रदान गर्दै आएको फेशन होमको संयोजनमा महेन्द्र स्मृति प्रतिष्ठानले विद्यालयका सबै विद्यार्थीहरुलाई जुत्ता चप्पल उपलब्ध गराएको छ । नेपाली काग्रेस, काठमाडौंका सभापति तथा काठमाडौंं क्षेत्र नं।६ का संविधानसभा सदस्य भिमसेन प्रधानले विद्यार्थीलाई चप्पल तथा विस्कुट वितरण गर्नुभएको थियो । विशिष्ठ अतिथिका रुपमा निम्त्याइएका मातृभूमिका लागि युवा अभियानका केन्द्रिय अध्यक्ष सुनिल खड्काले सुचना प्रविधिले नजिक बनाउन मद्दत मिल्ने भन्दै एक थान प्रिन्टर प्रदान गर्ने प्रतिवद्धता व्यक्त गर्नु भएको छ ।थाइल्याण्ड बस्दै आउनुभएका खड्कालृे बैंककवाटै उच्चस्तरिय प्रिन्टर उपलब्ध गराइदिने बताउनु भयो । केहि समय पहिले कम्प्यूटर प्रदान गरेकी फेशन होमकी अध्यक्ष हेमा मानन्धरले फेरीपनी सहयोगका कार्यक्रमलाई निरन्तरता दिने व्यक्त गर्नुभयो । जुत्ता चप्पल प्रदान गर्ने महेन्द्र स्मृति प्रतिष्ठनका उपाध्यक्ष विश्वेश्वर वञ्जाराले आगमी दिनमा समेत विद्यालय तथा विद्यार्थी भाइवहिनीलाई माया गरेर सहयोगका लागी आउने वातावरण बनादिनुहुन अविभावकसंग आग्रह गर्नु भएको थियो । प्रतिष्ठानका महासचिव तथा मातृभूमिका लागि युवा अभियानका केन्द्रिय सचिव बद्रिराज तिमल्सिनाको पहलमा व्यवस्थापन गरिएको सहयोग कार्यक्रममा अभियानकी केन्द्रिय सदस्य सुश्री रोशनी भट्टराई तथा अभियानकै राष्ट्रिय शाखाका उपाध्यक्ष डिन्सन बोहोराले विद्यार्थी तथा अविभावकलाई विस्कुट तथा खानेकुरा प्रदान गर्दा स्कुले केटाकेटी निकै खुशी भएका थिए । अभियान, फेशन होम तथा प्रतिष्ठानले त्रिपक्षिय सहायोगका कार्यक्रमलाई निरन्तरता दिन सके सामाजिक परिवर्तमा कोशे ढुङ्गा सवित हुने नेप्लीज फेशन होमका प्रबन्ध निर्देशक तेन्जिङ शेर्पाले बताउनुभयो । कान्तिपुरकर्मी फुलमान बलको पहलमा त्यहाँ पुगेका पाहुनाहरुलाई गाँउलेले भव्य स्वागत गरेका थिए ।