भक्तपुर, माघ ५ - उच्च माध्यामिक शिक्षा परिषद् भक्तपुरले सोमबार कक्षा ११ को परीक्षाफल प्रकाशित गरेको छ । परीक्षामा नियमित तर्फ २ लाख २५ हजार ३ सय ७३ जना परीक्षार्थी सहभागि भएकोमा १ लाख ६ हजार ५ सय १७ जना अर्थात ४७.२६ प्रतिशत परीक्षार्थी उतीर्ण भएको परीक्षा नियन्त्रक दुर्गाप्रसाद अर्यालले बताए ।
परीक्षामा ७ जनाको परीक्षाफल स्थगित भएको छ भने ४३ जनाको परीगाफल रद्द गरिएको अर्यालले बताए । गतवर्ष ४० प्रतिशत परीक्षार्थी उतीर्ण भएकोमा यसवर्ष ७.५० प्रतिशत उतीर्ण भएको उनले बताए । त्यस्तै आंशिक तर्फ १ लाख ४१ हजार ५ सय ७० जना परीक्षार्थी सहभागी भएकोमा ४६ हजार ९ सय ३३ जना अर्थात ३३.१५ प्रतिशत परीक्षार्थी उतीर्ण भएको अर्यालले बताए ।
आशिंक तर्फको परीक्षार्थी मध्ये २९ जनाको परीक्षाफल स्थगित भएको छ भने ४४ जनाको परीक्षाफल रद्ध भएको परिषद्ले जनाएको छ । परिक्षा जेठ १ देखि १२ गतेसम्म संचालन भएको थियो । क्यालेण्डर अनुसार हुने हो भने परिषद्ले ढिलोमा कात्तिक भित्रै नतिजा प्रकाशन गरिसक्नु पर्ने थियो । तर, परीक्षा लिएको ८ महिनामा बल्ल तल्ल परिषद्ले नतिजा सार्वजनिक गरेको हो । नतिजा प्रकाशनमा ढिलो भएको भन्दै चौतर्फि विरोध हुँदै आएको थियो ।
रिजल्ट हेर्न यहाँ क्लिक गर्नुहाेस
http://www.hseb.ntc.net.np/