नेपाली सेनाव्दारा पक्की पुस्तकालय भवन निर्माण :

महेन्द्र केसी, पर्वत २०७२ असार १५ । नेपाली सेनाको रण दल गुल्म पर्वतले पर्वतको एक क्याम्पसमा पुस्ताकलय भवन निर्माण गरिदिएको छ । बैशाख १२ गते गएको महाविनासकारी भुकम्पका कारण खानीगाउँ ३ फलेवासमा रहेको पर्वत बहुमुखी क्याम्पसको पुस्ताकलयमा क्षती भएपछि नेपाली सेनाले उक्त पुस्ताकलय निर्माण गरी दिएको हो । रणदल गुल्मका सहसेनानी निराकारयुद्ध खाँणको नेतृत्वमा गएको ३१ जनाको टोलीले क्याम्पसमा पक्की इट्टाको दुई कोठे पुस्ताकलय निर्माण गरिदिएको हो ।

करिब सात दिन लगाएर सेनाले उक्त पुस्ताकलय निर्माण गरिदिएको हो । सेनाले क्याम्पसमा पुस्ताकलय निर्माण गरिदिएपछि क्याम्पस प्रशासन खुशी भएको छ । सेनाले महाविपदका बेलामा पनि गाउँगाउँमा परिचालित भएर विपदमा परेका उद्धारको पर्खाइमा रहेकाहरुको उद्धार ग¥यो, विभिन्न ठाउँमा पनि टहरा निर्माण गरिदियो, हाम्रो क्याम्पसको आर्थिक अवस्था निक्कैनै कमजोर भएका कारण कसरी पुस्तकालय बनाउने भन्ने सोचमा थिर्यौ , सेनाको सहयोग माग्यौं , आएर सात दिनमा हाम्रो पुस्ताकलय तयार पारिदिए विद्यालय स्रोतले भन्यो । सेनाको काम बास्तबमानै प्रशंसा गर्न योग्य छ । नेपाली जनताको हरेक सुख दुखमा सेना समर्पित छ भन्ने कुरा विपदमा उसले देखाएको क्रियाकलापले प्रष्ट पारेको छ । सेनाले जिल्लामा हालसम्म १६ वटा विद्यालयमा ५४ वटा अस्थाई कक्षाकोठा र चालिस गाविस र नगरपालिकामा गरी ९० घरहरुको भग्नावशेष हटाउनुको साथै पीडितलाई सुरक्षित ठाउँमा राख्ने कार्य गरेको छ ।

तस्वीर ः नेपाली सेनाले फलेवासमा रहेको पर्वत बहुमुखी क्याम्पसमा २ कोठे पुस्ताकलय निर्माण गर्दै ।