प्रा. चैतन्य शर्मा
उपाध्यक्ष, उच्च माध्यमिक शिक्षा परिषद्
विद्यार्थी र अभिभावकलाई कस्ता कलेज छान्न सुझाव दिनुहुन्छ?
– पूवार्धार कतिको सुरक्षित छ? भवन मात्रै राम्रो भएर हुदैन। भूकम्प प्रतिरोधी पनि हुनुपर्छ। साघुरो गल्लीबाट छिरेर भित्र जाने ठाउ छ कि? त्यसैले सुरक्षामा ध्यान दिनुपर्छ। पास प्रतिशत मात्रै राम्रो भएर हुदैन। कस्तो शिक्षा दिन्छ? त्यसलाई पनि ध्यान दिनुपर्छ। कक्षामा कति जना राखेर पढाउछ? ल्याबको पूर्वाधार पनि छ कि छैन? शिक्षक स्थायित्व पनि हेर्नुपर्छ।
बिषय छनौट गर्दा चाहि के ध्यान दिने?
– प्लस टुले काउन्सिलिङ दिने भन्दै कसरी हुन्छ आफनोमा तान्ने भन्ने जोड दिएको हुन्छ। एसएलसीमा राम्रो अंक ल्याउदैमा विज्ञान निर्णय गरेर हुदैन। विद्यार्थीको रुची के मा छ? त्यसले निर्धारण गर्छ। कुन बिषय पढने भन्ने चाहि विद्यार्थीको बाबु आमा पहिलो परामर्शदाता हुन्। दोस्रोमा १० वर्षसम्म पढाउने शिक्षक र विद्यालय हो। स्कूल र शिक्षकसंगलाई ति विद्यार्थी पास गराउनु मात्रै जिम्मेवारी होइन। विद्यार्थीको क्षमता, आनीबानी, रुची सबै शिक्षक र विद्यालयलाई मात्रै थाहा हुन्छ। त्यसैले कुन बिषय पढने भन्ने विद्यालयले सही परामर्श दिएर पठाउनुपर्ने हुन्छ। आमाबुबाले पनि देखासिकीमा बिषय छनौट गर्नुको सट्टा बच्चाको रुची के हो? थाहा पाउनु पर्ने हुन्छ। प्रतिशतको आधारमा हुदैन।
प्लस टुले आफुखसी शुल्क लिइरहेका छन? एकरुपता ल्याउन सकिदैन?
– शुल्क निर्धारण गर्न लागिरहेका छौ। भर्ना, मासिक शुल्क कति हुने? एउटा कक्षामा कति जान राख्ने भन्ने नया मापदण्ड बनाउने तयारीमा छौ। अहिले सम्बन्धन पाएपछि पुरा गर्नु पर्ने मापदण्ड कमजोर छ। प्लस टु पनि विद्यालय हो। १० कक्षासम्म जसरी श्रेणी छुट्याएर फरक शुल्क निर्धारण हुन्छ। त्यसै गरी कक्षा ११ र १२ को पनि शुल्क निर्धारण गर्न ढिलाई भइसक्यो।
आर्थिक अवस्था कमजोर भएका, भूकम्प पीडित र जेहेन्दार विद्यार्थीलाई छात्रबृतिको व्यवस्था छ कि छैन?
– सामुदायिक स्कूल पढेका विद्यार्थीलाई एउटा प्लस टुमा पाच प्रतिशत छात्रबृति दिने व्यवस्था गरेका छौ। यसलाई पारदर्शी बनाउन सफ्टवेरको व्यवस्था मिलाएका छौ। पहिलाको जस्तो पत्रको आधारमा छात्रबृति पाउदैनन। भूकम्प प्रभावित १४ जिल्लाका विद्यार्थीलाई छात्रबृति दिन मापदण्ड समिति बनाएका छौ। आवास सहितको छात्रबृति समेत पाउने व्यवस्था मिलाउछौ।
– मकर श्रेष्ठ