काठमाडौँ । नेपाल शिक्षक महासंघले शिक्षा मन्त्रीको राजीनामा मागेको छ । असार ११ र १२ गते बसेको महासंघको सचिवालयको वैठकले मन्त्री राजीनामा माग्ने निर्णय गरेको हो ।
शिक्षा मन्त्री चित्रलेखा यादवले शिक्षकका शैक्षिक र पेशागत माग प्रति कुनै चासो नदिएको साथै भूकम्पले शिक्षाक्षेत्र क्षतिग्रत हुदा समेत विदेशभ्रमणमा व्यस्त भएको आरोप लगाउदै राजीनामा माग्ने निर्णय गरिएको महासंघले जनाएको छ ।
महासंघले शिक्षकसँग भएका विगतका सहमति र सम्झौताहरु साथै पेशागत र शैक्षिक मागहरु पुराहुने वातावरण निर्माणगर्न शिक्षामन्त्रीलाई एकहप्ते अल्टिमेटम दिने र त्यस अवधिमा पनि केहि नभए शिक्षामन्त्री कै राजीनामा मागेर आन्दोलन गर्ने निर्णय गरेको छ ।
जहिल्यै हुन्छ मात्रै भन्ने काम नगर्ने, शिक्षाको विधेयक संसदमा लग्न नसक्ने, शिक्षाका मुद्धामा गैरजिम्मेवार बनेको आरोप लगाउदै एकहप्ते अल्टिमेटम दिने निर्णय गरेको महासंघले जनाएको छ ।
भूकम्पले विद्यालयहरु ध्वस्त र विद्यार्थी, शिक्षकहरुलाई त्रस्त बनाइरहदा साथै पाल नपाएर कतिपय विदालयहरु खुला चउरमा सञ्चालन भइरहदा शिक्षामन्त्री भने विदेश भ्रमणमा नै मस्त हुनुलाई महासंघले गैरजिम्मेवार हर्कत भनेको छ ।
महासंघको वैठकले भाद्र १५ गते सम्म जिल्लाहरुमा महासंघको जिल्ला तदर्थ समिति बनाइ सक्ने, त्यसको निर्माण नेपाल शिक्षक युनियन, शैक्षिक गणतान्त्रिक मञ्च र मधेसी शिक्षक युनियनको आपसी सहमतिमा गर्ने निर्णय गरेको छ।
महासंघले नयाँ शैक्षिक नीतिको निर्माण गर्न, प्राविधिक शिक्षाका विकास र विस्तार गर्न साथै भूकमपको विपत्ति पछि शिक्षाको पुनःसंरचनाका लागि वृहत शैक्षिक सम्मेलन आयोजना समेत गर्ने निर्णय गरेको छ ।