लेख्न सके लेख कान्छा लेख्न सके लेख ।
एक वर्षमै स्वर्ग भयो नेपाल भन्ने देश ।
कति मजा आयो कान्छा पानी जहाज चढ्दा
एम्बुलेन्स फ्याट्टै आयो जुम्लामा लड्दा ।
पूर्व बाट रेल चढी पश्चिम तिर गइयो ।
एकै दिनमा काम सकि घर पुग्ने भइयो ।
देख्न सके देख कान्छा देख्न सके देख,
एक वर्षमै स्वर्ग भयो नेपाल भन्ने देश ।
जनताहरु कारमा गुड्छन् हेलिकोप्टर चढ्छन्,
नेताहरु सेवा गर्छन् झुपडीमा बस्छन् ।
देउवाकाजी साह्रै राम्रा रसिलो छ बोली,
आफ्नै दाजुभाइ हुन् भन्छन् प्रचण्ड र ओली ।
भेट्न सके भेट कान्छा भेट्न सके भेट ।
एक वर्षमै स्वर्ग भयो नेपाल भन्ने देश ।
हावा बाट विजुली आयो भारतमा बेच्यो ।
नेपाल जस्तै बनाउनु छ सिंगापुर ले लेख्यो ।
ग्याँस धरै भयो हामलाई रसियाले माग्यो ।
पानी चहाज झण्डा बोक्दै अमेरिका लाग्यो ।
मेट्न सके मेट कान्छा मेट्न सके मेट ।
एक वर्षमै स्वर्ग भयो नेपाल भन्ने देश ।
सुन्नै छाड्यो हाम्रो कानले नेताजीको भाषण
स्वर्ग जस्तो देशमा इन्द्र जी को शाषण ।
जनताले जे दियो त्यहि नेताको राषण,
मुटु भित्र रहेको छ नेता जी को आषण ।
छेक्न सके छेक कान्छा छेक्न सके छेक ।
एक वर्षमै स्वर्ग भयो नेपाल भन्ने देश ।
इण्डियाले निहुँ खोज्यो नाकाबन्दी लाइयो ।
चाइनामा स्याउ बेची २५ अर्ब पाइयो ।
अरु देशका नेताहरु छन् खै कस्ता कस्ता,
हाम्रा देशका नेता हरु भगवान जस्ता ।
लेख्न सके लेख कान्छा लेख्न सके लेख ।
एक वर्षमै स्वर्ग भयो नेपाल भन्ने देश ।”
-रन्जन सापकोटा
प्राबिधिक शिक्षा देश बिकासको आधार कुनै प्रविधिसँग सम्बन्धित भएर हासिल गरिने व्यावसायिक ज्ञानलाई प्राविधिक शिक्षा भनिन्छ । सामान्यतया शिक्षाको अर्थ ज्ञान आर्जन गर्नु वा केही सिक्नु भन्ने हो । शिक्षाले नै मानिसलाई कुनै विषयमा निष्णात वा पारङ्गत बनाउँछ । यसकारण यन्त्र, उपकरण, मेसिन, उदोगधन्दा, कलकारखाना लगायतका विभिन्न प्रविधिसँग सम्बन्धित ज्ञानलाई प्राविधिक शिक्षा भनिन्छ । यस्तो शिक्षा वर्तमानको आवश्यकता बनेको छ । प्राविधिक शिक्षाको माध्यमबाट वर्तमान समयमा व्यक्तिले आफ्नो आर्थिक स्थिति सुदृढ बनाई राष्ट्रिय अर्थतन्त्रमा समेत योगदान गर्नसक्छ । वर्तमान समय विज्ञान र प्रविधिको समय हो । मुलुकको विकासका लागि भौतिक तथा प्राकृतिक साधन स्रोतको जति मात्रामा भूमिका रहन्छ त्यो भन्दा बढी भूमिका जनशक्ति वा मानवशक्तिको रहन्छ । देश विकासमा महत्वपूर्ण भूमिका निर्वाह गर्ने मानवीय पूँजी निर्माणका लागि प्राविधिक शिक्षा अपरिहार्य छ । प्राविधिक ज्ञान आर्जन गरेको व्यक्तिले मात्र प्राकृतिक साधन र स्रोतको समुचित उपयोग गरी मानवकल्याणका निमित्त योगदान दिनसक्छ । हाम्रो देश नेपाल विश्वका अन्य कतिपय मुलुकको दाँजोम