म्याग्दी, कात्तिक १४ गते । म्याग्दी दानाका एक पूर्वबेलायती गोर्खा सैनिकले आफूले पेन्सनबापत प्राप्त गर्ने एक महिनाको रकम सामुदायिक विद्यालयलाई सहयोग गर्दै आएका छन् । दाना गाविस–३ का कमल पुर्जाले बेलायत सरकारले पेन्सनबापत दिने एक महिनाको रकम वर्षमा दुईवटा सामुदायिक विद्यालयलाई उपलब्ध गराउँदै आउनुभएको छ । शारीरिक रूपमा अपाङ्गता भएका पुर्जाले हालसम्म म्याग्दीका सातवटा विद्यालयलाई सहयोग गरिसक्नु भएको छ ।
आफूले पेन्सनबापत बेलायतमा प्राप्त गर्ने रकम बचत गरेर सामुदायिक विद्यालयलाई उपलब्ध गराएको पुर्जाले बताउनुभयो । दरवाङको जनप्रिय उच्चमावि, भुरुङतातोपानीको सर्वोदय उच्चमावि, सदरमुकामको बेनी सामुदायिक उच्चमावि, बिमको किसानी उच्चमावि, बेगको महादेव मावि, चिमखोलाको अमर माविलाई एक÷एक लाख रुपैयाँ नगद सहयोग गर्नुभएका पुर्जाले दानाको ज्ञानप्रकाश उच्चमाविलाई दुई लाख २० हजार १८० रुपैयाँ उपलब्ध गराउनुभएको छ ।
दसैँ मनाउने क्रममा हालै जन्मथलो आउनुभएका पुर्जाले सो सहयोग उपलब्ध गराउनुभएको हो भने दानाको काभ्रेमा रहेको सरस्वती प्राविलाई आगामी वर्ष एक लाख रुपैयाँ सहयोग गर्ने घोषणा गर्नुभएको छ । ग्रामीण क्षेत्रका विद्यालयको शैक्षिक विकास र गुणस्तर सुधारका लागि सामुदायिक विद्यालयलाई सहयोग उपलब्ध गराएको पुर्जाको भनाइ छ ।
तीन वर्षअघि देखि सामुदायिक विद्यालयलाई सहयोग गर्दै आउनुभएका पुर्जाले जिल्लाका सबै सामुदायिक विद्यालयलाई सहयोग गर्ने योजना रहेको बताउनुभयो । सन् १९८९ मा गोर्खा सैनिकमा भर्ती भएका पुर्जा सन् २००६ मा सेवा निवृत्त हुनुभएको थियो । सैनिक सेवामा प्रवेश गरेको तीन वर्षमा नै ढाडमा समस्या देखिएपछि उहाँ हाल बैसाखीको साहराले हिँड्डुल गर्नुहुन्छ ।
शारीरिक रूपमा अशक्त भए पनि पुर्जाले दुःखमा परेका नेपालीलाई बेलायतमा सहयोग जुटाउन सक्रिय भूमिका निभाउँदै आउनुभएका म्याग्दी प्रवासी नेपाली सङ्घ (मोना) युकेका उपाध्यक्ष दल जुक्जालीले बताउनुभयो । आफ्नो जन्मगाउँमा शिक्षा, स्वास्थ्य र विकासका लागि सहयोग भित्र्याउन फ्रेन्डली ब्रदर्स दाना सेरोफेरो युके, मोना लगायतका संस्थामा पनि आबद्ध रहेका पुर्जा अध्यक्ष रहेको मद्दत समूह बेलायतलाई गत वर्ष त्यहाँको सरकारले क्विन अवार्डको सम्मान उपलब्ध गराएको थियो ।
म्याग्दीका सामुदायिक विद्यालय र सामाजिक सङ्घसंस्थालाई पुर्जाले गर्नुभएको सहयोग धेरैका लागि अनुकरणीय विषय भएको बेनी सामुदायिक उच्चमाविका प्राचार्य दीपक श्रेष्ठले बताउनुभयो ।
आफूले पेन्सनबापत बेलायतमा प्राप्त गर्ने रकम बचत गरेर सामुदायिक विद्यालयलाई उपलब्ध गराएको पुर्जाले बताउनुभयो । दरवाङको जनप्रिय उच्चमावि, भुरुङतातोपानीको सर्वोदय उच्चमावि, सदरमुकामको बेनी सामुदायिक उच्चमावि, बिमको किसानी उच्चमावि, बेगको महादेव मावि, चिमखोलाको अमर माविलाई एक÷एक लाख रुपैयाँ नगद सहयोग गर्नुभएका पुर्जाले दानाको ज्ञानप्रकाश उच्चमाविलाई दुई लाख २० हजार १८० रुपैयाँ उपलब्ध गराउनुभएको छ ।
दसैँ मनाउने क्रममा हालै जन्मथलो आउनुभएका पुर्जाले सो सहयोग उपलब्ध गराउनुभएको हो भने दानाको काभ्रेमा रहेको सरस्वती प्राविलाई आगामी वर्ष एक लाख रुपैयाँ सहयोग गर्ने घोषणा गर्नुभएको छ । ग्रामीण क्षेत्रका विद्यालयको शैक्षिक विकास र गुणस्तर सुधारका लागि सामुदायिक विद्यालयलाई सहयोग उपलब्ध गराएको पुर्जाको भनाइ छ ।
तीन वर्षअघि देखि सामुदायिक विद्यालयलाई सहयोग गर्दै आउनुभएका पुर्जाले जिल्लाका सबै सामुदायिक विद्यालयलाई सहयोग गर्ने योजना रहेको बताउनुभयो । सन् १९८९ मा गोर्खा सैनिकमा भर्ती भएका पुर्जा सन् २००६ मा सेवा निवृत्त हुनुभएको थियो । सैनिक सेवामा प्रवेश गरेको तीन वर्षमा नै ढाडमा समस्या देखिएपछि उहाँ हाल बैसाखीको साहराले हिँड्डुल गर्नुहुन्छ ।
शारीरिक रूपमा अशक्त भए पनि पुर्जाले दुःखमा परेका नेपालीलाई बेलायतमा सहयोग जुटाउन सक्रिय भूमिका निभाउँदै आउनुभएका म्याग्दी प्रवासी नेपाली सङ्घ (मोना) युकेका उपाध्यक्ष दल जुक्जालीले बताउनुभयो । आफ्नो जन्मगाउँमा शिक्षा, स्वास्थ्य र विकासका लागि सहयोग भित्र्याउन फ्रेन्डली ब्रदर्स दाना सेरोफेरो युके, मोना लगायतका संस्थामा पनि आबद्ध रहेका पुर्जा अध्यक्ष रहेको मद्दत समूह बेलायतलाई गत वर्ष त्यहाँको सरकारले क्विन अवार्डको सम्मान उपलब्ध गराएको थियो ।
म्याग्दीका सामुदायिक विद्यालय र सामाजिक सङ्घसंस्थालाई पुर्जाले गर्नुभएको सहयोग धेरैका लागि अनुकरणीय विषय भएको बेनी सामुदायिक उच्चमाविका प्राचार्य दीपक श्रेष्ठले बताउनुभयो ।