म्याग्दी, २०७० मंसिर १२ । म्याग्दीको घार गाविसमा क्याम्पस तहको पठनपाठन हुने भएको छ ।
घारमा रहेको मुक्तिमार्ग उच्च माविको स्तरवृद्धि गरि मुक्तिमार्ग क्याम्पस सञ्चालन गरि क्याम्पस तहको पठनपाठन सुरु गर्न लागिएको हो ।
त्रिभुवन विश्वविद्यालयबाट शिक्षा शास्त्र अन्र्तगत अंग्रेजी र नेपाली विषयमा पठनपाठन गर्ने गरि स्विकृत लिएर क्याम्पस तहको पठनपाठनका लागी क्याम्पस सञ्चालन गरेको प्राचार्य ठकराज बरुवालले जानकारी दिए । बरुवालका अनुसार यसै शैक्षिक सत्र देखी स्नातक तहमा शिक्षा शास्त्र संकायमा अंग्रेजी र नेपाली विषयमा पठन पाठन हुने गरि विद्यार्थीहरुलाई भर्ना लिईरहेको छ । गाउँमै क्याम्पस तहको पठनपाठन हुनेभएपछी स्थानियबासी उत्साहित बनेका छन, प्राचार्य बरुवालले भने आर्थिक अवस्था कमजोर भएका कारण शहरबजार सम्म पुगेर अध्ययन गर्नबाट बन्चित भएकाहरुलाई ठुलो राहत मिलेको छ ।’
घारमा क्याम्पस सञ्चालनका लागी २०६६ साल चैत्र महिनामा आयोजना गरेको महायज्ञबाट १ करोड २७ लाख रकम समेत संकलन गरिएको थियो । तत्कालिन अवस्थामा क्याम्पस सञ्चालनको लागी त्रिविले अनुमती नदिएपछी क्याम्पस सञ्चालनको काम रोकिएको थियो । वि.स. २०१६ सालमा स्थापना भएको मुक्तिमार्ग विद्यालयमा २०२६ देखी मावि र २०५९ देखी उच्च मावि तहको पठनपाठन हुँदै आएको छ ।
ग्रामीण भेगमा संचालन भएको उक्त क्याम्पसमा जिल्लाको उत्तरी घार, शिख, हिस्तान, राम्चे, दोवा, वेग, तातोपानी, नारच्याङ्ग, दाना गाविसका विद्यार्थीहरु प्रत्येक्ष लाभान्वित हुने बताईएको छ । क्याम्पसको लागी आवस्यक भौतिक पुर्वधारहरु निर्माण भईसकेको र गुणस्तरीय शिक्षा प्रदान गर्नका लागी आवस्यक जनशक्तिको व्यवस्थापनमा लागेको विद्यालयले जनाएको छ ।
म्याग्दीमा यस अगाडी सामुदायिक तवरबाट सञ्चालित म्याग्दी बहुमुखी क्याम्पस र बावियाचौरमा रहेको मंगला शिक्षा क्याम्पस तथा निजि क्षेत्रबाट सञ्चालित वेनी स्थित न्यु वेष्ट प्वाईन्ट कलेजमा स्नातक तहको पठनपाठन हुँदै आएको छ ।