कृष्ण ओझा
१३ मंसिर, पाँचथर । अनियमिततामा संलग्न भएका एकजना स्रोतव्यक्ति र दुईजना शिक्षिकाहरुलाई जिल्ला शिक्षा कार्यालय पाँचथरले स्पष्टिकरण सोधेको छ । स्पष्टिकरण सोधिनेमा खलंगाटार उच्च मावि स्रोत केन्द्रका स्रोतव्यक्ति श्याम जवेगु तथा सुखवोध मावि फिदिमकी शिक्षिका गंगा खरेल र सेसेलुङ प्रावि याङनामकी शिक्षिका सूर्यकला कन्दङवा रहेका छन् ।
स्रोत व्यक्ति जवेगुले जिशिकाको कार्यादेश विपरित विद्यालय नजिकै पसल खोलेर विद्यालयमा भएको अनियमितता रोक्न नसकेकाले स्पष्टिकरण सोधिएको जिल्ला शिक्षा कार्यालय पााचथरले जनाएको छ ।
दसैं अघि विद्यालय छाडेर हालसम्म हाजिर नभएकी शिक्षिका गंगा खरेल र अर्की शिक्षिका सूर्यकला कन्दङवाले पटक पटक लापरवाही गरेकोले शिक्षा नियमावलीअन्तर्गत उनीहरुमाथि कारवाही थालिएको जिशिकाले जनाएको हो । ‘तीनैजनालाई लिखित स्पष्टिकरण सोधिएको छ, चित्तवुझ्दो जवाफ दिएर व्यबहारमा सुधार नगरे विभागीय कारवाही गरेर अवकाश दिइने छ ।’ जिल्ला शिक्षा अधिकारी ज्ञानमणि नेपालले बताउनुभयो ।
अवोध वालवालिकाको भविष्य वर्वाद गर्ने अधिकार कसैलाई नभएको बताउादै जिशिअ अधिकारीले पााचथरको शिक्षाक्षेत्रमा रहेको विकृति हटाएरै छाड्ने बताउनुभयो ।
जिशिकाको टोलीले हालै गरेको अनुगमनको क्रममा याङ्नामस्थित सेसेलुङ प्रावि दिउासो २.३० वजे बन्द भएको, सिंहसिद्व माविमा २ वजेपछि कक्षा ६ मुनिका कक्षाहरु वन्द गरेको र खलंगाटार उच्च मावि दिउासो दिनको ३ बजेबाटै वन्द भएको भेटेको थियो ।
विद्यालय अनुगमनको जिम्मेवारी लिएका स्रोतव्यक्ति जवेगुले आाखै अगाडि लापरवाही देखेर पनि वेवास्ता गरेकाले उनीसहित विद्यालयका प्रधानाध्यापकहरुलाई स्पष्टिकरण सोधिएको हो ।
जिशिकाले संविधानसभा निर्वाचनपछि पुनः विद्यालय अनुगमनलाई तिव्र पारेको छ । ‘पाँचथरमा रहेसम्म विद्यालयको शैक्षिकस्तर उकास्न जस्तासुकै अफ्ठ्यारा चुनौति सामना गर्न तयार छु’, जिशिअ नेपाल भन्नुभयो, ‘म यहाँ आएदेखि विकृतिका चाङलाई घटाउने प्रयासमा छु, विरोधका स्वहरु पनि आइरहेका छन्, तर शिक्षाक्षेत्रको सुधारका लागि मेरो यात्रा रोकिन्न ।’
गत असारमा पााचथर आउनुभएका जिशिअ नेपालले शिक्षाक्षेत्रको सुधारमा कडाई गर्न थालेपछि शैक्षिकक्षेत्रका पेशागत संघ संगठनले विरोध पनि खेपिरहनुभएको छ ।
चुनावअगाडि जिल्ला शिक्षा अधिकारीसहितको टोलीले यसअघि पाँचथरका पौवासार्ताप ,च्याङथापु, शिवा र फिदिमसहितका गाविसका विद्यालयहरुमा आकष्मिक अनुगमन गरिसकेको छ
Source: http://www.onlinekhabar.com