काठमाडौँ, २०७० फागुन १६ गते
अख्तियार दुरुपयोग अनुसन्धान आयोगले शिक्षक सेवा आयोगलाई शिक्षक पदको परीक्षा सञ्चालन गर्ने बाटो खुल्ला गरेको छ । गत पुष ११ गते अख्तियार दुरुपयोग अनुसन्धान आयोगले परीक्षा सम्बन्धी काम रोक्न आदेश दिएको थियो ।
हालसम्म शिक्षक सेवा आयोगले माध्यामिक र निम्नमाध्यामिक तहको लिखित परीक्षाको नतिजा सार्वजनीक गरिसकेको छ ।
शिक्षक सेवा आयोगका सहसचिव खगेन्द्र नेपालले माध्यामिक र निम्नमाध्यामिक तहको अन्र्तवार्ता तथा प्राथमिक तहको लिखित परीक्षाको नतिजा प्रक्रिया छिट्टै अगाडी बढ्ने जानकारी दिनुभयो ।
प्रेस विज्ञप्ति :
मितिः२०७०।११।१६
शिक्षक सेवा आयोगद्वारा स्थायी शिक्षक पदपुर्ती गर्ने सम्बन्धि मिति २०७०।०८।२३ मा प्रकाशित बिज्ञापन बमोजिम परीक्षा संचालन भई परीक्षाफल प्रकाशनका सम्बन्धमा शिक्षक सेवा आयोग विरुद्भ यस आयोग समक्ष विभिन्न विषयलाई सम्बोधन गरी थुप्रै उजुरीहरु प्राप्त भएकोमा अनुसन्धानका क्रममा मा. वि. तहको स्वास्थ्य शारिरीक बिषयको नतिजा मिति २०७०।०८।१८ मा पहिलो पटक प्राविधिक भुलवस सिमित केन्द्रको प्रतियोगीहरुको मात्र नतिजा प्रकाशन भएकोमा बाँकी सबै प्रतिस्पर्धीहरु समावेश गरी मिति २०७०।०८।२१ मा पुनः दोश्रो पटक परीक्षाफल प्रकाशित गरेको देखिन्छ । यसैगरी अंग्रेजी विषयको क्रमाङ्क 3310200129 मकवानपुरको उत्तर पुस्तिका अध्ययन गर्दा निजको प्राप्ताङ्क गणना गर्दा बस्तुगत तर्फ १६ र विषयगत तर्फ ३९ गरी कूल ५५ अङ्क हुनुपर्नेमा विषयगत तर्फको प्राप्ताङ्क 39 लाई 29 उल्लेख गरी मूल्याङ्कन गरेको देखिन्छ । त्यसैगरी क्रमाङ्क 2910300150 का परीक्षार्थीको मा.वि. तहको गणित विषयको मूल उत्तरपुस्तिका र थप उत्तरपुस्तिकामा प्रयुक्त हस्ताक्षर मेल खाएको देखिदैन । तत्कालको अवस्थामा सिमित व्यक्तिहरुको उजुरीको सांयोगीक नमुना (Random sampling) का आधारमा परीक्षण गर्दा प्रारम्भिक अनुसन्धानवाट उत्तिर्ण हुनुपर्ने परीक्षार्थी अनुत्तिर्ण र अनुत्तिर्ण हुनुपर्ने परीक्षार्थी उत्तिर्ण भएको अवस्था समेत हुँदा शिक्षक नियुक्ती प्रकृया सम्बन्धमा शिक्षक सेवा आयोगबाटै सम्पूर्ण परीक्षार्थीहरुको उत्तरपुस्तिकाहरु समग्रतामा परीक्षण गरी परीक्षणकै क्रममा पुनर्योग समेत गरी पछि सम्म वास्तविक परीक्षाफलमा फरक नपर्ने गरी परीक्षा सम्बन्धमा भएका र गरिने काम कारबाहीहरुमा आफै विस्वस्त हुने गरी वास्तविक परीक्षाफल प्रकाशन गर्न र शिक्षक सेवा आयोगको परीक्षा प्रणालीमा पुनर्योग गर्ने/गराउने कानूनी व्यवस्था समेत नभएकोले आगामी दिनमा शिक्षक सेवा आयोगलाई पुनर्योगको कानूनी व्यवस्थाको प्रबन्ध समेत गर्न अख्तियार दुरुपयोग अनुसन्धान आयोग ऐन, २०४८ को दफा २८ बमोजिम सुझाव दिने । शिक्षक नियुक्ती प्रकृया अत्यन्तै महत्वपुर्ण र सम्वेदनशील विषय हुँदा लामो समय सम्म यस प्रकृयालाई रोकि राख्नु उपयुक्त र तर्क संगत नहुने हुँदा प्रस्तुत परीक्षा सम्बन्धि काम कारबाहीलाई सु-संचालन गर्न शिक्षक सेवा आयोगलाई लेखि पठाउने निर्णय गरेको छ ।