शिक्षकका लागि आएको पोसाकभत्ताको रकम अनियमितता

महोत्तरी, १७ चैत जिल्ला शिक्षा कार्यालय महोत्तरीले दुई वर्षदेखि शिक्षकका लागि आएको पोसाकभत्ताको एक करोड ६४ लाख ७० हजार रकम अनियमितता गरेको खुलेको छ । जिल्लाका एक हजार ९८ स्थायी शिक्षकले विगत दुई वर्षको पोसाकभत्ता नपाएको गुनासो गरेपछि अनियमितता .................... भएको खुलेको हो । महोत्तरीमा १४ सय ८६ स्थायी शिक्षक कार्यरत छन् । तत्कालीन जिल्ल्ाा शिक्षा अधिकारी निर्मल घिमिरे र लेखापाल लक्ष्मण रायको मिलेमतोमा अनियमितता भएको उनीहरूको आरोप छ । आव ०६७/०६८ मा पोसाकभत्ताका लािग आएको ८२ लाख ३५ हजार र ०६८/०६९ को लागि विनियोजन भएको त्यति नै गरी एक करोड ६४ लाख ७० हजार अनियमितता भएको हो । तत्कालीन जिशिअ घिमिरेले कपडाको फर्जी बिल बनाई रकम अनियमितता गरेको शिक्षक सुरेन्द्र पाण्डेको दाबी छ । उनले भने, 'पोसाकभत्ताको रकम त जिशिअ घिमिरेले कपडाको बिल बनाएर खाए, अधिकांश शिक्षकलाई सोध्नुहोस् कसैले पनि रकम पाएका छैनन् ।' सरकारले वाषिर्क रूपमा प्रतिशिक्षक सात हजार पाँच सय पोसाकभत्ता छुट्याउने गर्दछ । अर्का शिक्षक लक्ष्मीनारायण यादवले शिक्षाका कर्मचारीको मिलेमतोमा नै जिशिअले पोसाकभत्ताको रकम अनियमितता गरेको बताए । उनले पोसाकभत्ता तत्काल वितरण नगरिए आन्दोलन गर्ने चेतावनी दिए । जिल्लाका शिक्षक संगठन, युनियन र प|mन्टले पोसाकभत्ताबारे छानबिन गर्नुपर्ने माग गर्दै शिक्षा कार्यालयमा उजुरी दर्ता गराएका छन् । यता जिल्ल्ाा शिक्षा कार्यालय महोत्तरीका शाखा अधिकृत ध्रुव कोइरालाले प्राविधिक त्रुटिका कारण गत आवको भत्ता वितरण गर्न नसकेको बताए । उनले सो जानकारी गराउन मन्त्रालयमा पत्राचार गरिएको बताए । तर, रकम अनियमितता भने नभएको उनको दाबी छ । तर, कस्तो प्राविधिक कारण हो भन्ने उनले खुलाएनन् । जिल्ला शिक्षा अधिकारी कृष्ण पोखरेलले विगतका वर्षमा रकम अपुग भएकाले पोसाकभत्ता वितरण गर्न नसकिएको बताए । उनले विगत दुई वर्ष र चालू आवका लागि रकम निकासा गर्न मन्त्रालयमा पत्राचार गरिएको जानकारी दिए ।