बागलुङ, २०६९ चैत १३ । धौलागिरी बहुमुखी क्याम्पस प्रशासनले विद्यार्थीबाट अनियमितरुपमा रकम उठाउने गरेको रहस्य खुलेको छ । विना भर्पाई विद्यार्थीहरुबाट विभिन्न बहानामा रकम उठाएको विद्यार्थीहरुले क्याम्पस प्रशासनमाथि आरोप लगाएका छन् ।
क्याम्पसमा क्रियाशील ४ विद्यार्थी संगठनले सोमवार संयुक्त विज्ञप्ती प्रकाशित गरी क्याम्पसले विभिन्न संकालयका विद्यार्थी संगबाट लिएको अनियमित रकम फिर्ता गर्न आग्रह गरेका छन् ।
विद्यार्थी संगठनले स्नातक तेस्रो वर्षका विद्यार्थीलाई प्रोजेक्ट म्यानेजमेन्टको नाममा प्रति विद्यार्थी ५ सय, बैंकिङ इन्सुरेन्समा १ हजार विना भरपाई असुल गरेको र शिक्षा संकायमा ७ सय रुपयाँ लिएको भन्दै फिर्ता गर्ने आग्रह गरेका हुन् ।
अखिल क्रान्तिकारीका संयोजक होमनाथ चालिसे, अखिल छैठौका सागर कुँवर, अखिल क्रान्तीकारीका शिव शाक्य र अखिल एकिकृतका विक्रम थापाले हस्ताक्षर गरी जारी गरिएको विज्ञप्तीमा क्याम्पस हाता भित्र ट्युसन क्लास सञ्चालन नर्गन समेत आग्रह गरिएको छ ।
उनिहरुले मानिविकी संकायको गणित विषयको ट्युसन क्याम्पस हाताभित्र सञ्चालन गरेको भन्दै तत्काल बन्द गर्न प्रशासनलाई आग्रह गरेका छन् ।