काठमाडौं, ९ चैत/ माध्यमिक तहको अन्तिम खुट्किलो मानिने एसएलसी परीक्षा आजदेखि सकिएको छ ।
१ चैतबाट सुरु भएको परीक्षामा देशभरबाट पाँच लाख ४७ हजार एक सय ६५ विद्यार्थी सहभागी भएका थिए । यस वर्ष नियमितबाट चार लाख ३० हजार ९९ र आंशिकबाट एक लाख १७ हजार ६६ विद्यार्थी परीक्षामा सहभागी भएको परीक्षा नियन्त्रण कार्यालय सानो ठिमी भक्तपुरका परीक्षा उपनियन्त्रक प्रह्लाद अर्यालले बताउनुभयो । तर, परीक्षा अवधिभर चिटचोर्ने, सट्टामा परीक्षा दिने दिलाउने एक सयभन्दा बढी विद्यार्थी निष्काशित भएका छन् ।
त्यसैगरी विद्यालयमा ७५ प्रतिशत हाजिर नभएको विद्यार्थीलाई पनि परीक्षामा सहभागी गराइएन । परीक्षा सम्पन्न गर्न २८ करोड रुपैयाँ विनियोजन गरिएको परीक्षा नियन्त्रण कार्यालयले जनाएको छ ।
यसैबीच, सर्लाहीमा एसएलसी परीक्षा शान्तिपूर्ण रूपमा सम्पन्न भएको जिल्ला शिक्षा कार्यालय सर्लाहीले जनाएको छ । छिटफुट अमर्यादित घटनाबाहेक सौहार्दपूर्ण रूपमा प्रवेशिका परीक्षा सकिएको जिल्ला शिक्षा अधिकारी राजकुमार विश्वकर्माले जानकारी दिनुभयो ।
सर्लाहीमा यस वर्षको एसएलसीमा अमर्यादित गतिविधि गर्ने चारजना विद्यार्थीको परीक्षा रद्द गर्नुका साथै पाँच निरीक्षकलाई कारबाही गरिएको उहाँले बताउनुभयो । जिल्लामा यस वर्ष नौ हजार तीन सय ३२ विद्यार्थी सहभागी भएको जिल्ला शिक्षा कार्यालय सर्लाहीले जनाएको छ । परीक्षाका लागि ३० वटा परीक्षा केन्द्र तोकिएको सहकर्मी सुरेश बिडारीले जानकारी दिए ।
१ चैतबाट सुरु भएको परीक्षामा देशभरबाट पाँच लाख ४७ हजार एक सय ६५ विद्यार्थी सहभागी भएका थिए । यस वर्ष नियमितबाट चार लाख ३० हजार ९९ र आंशिकबाट एक लाख १७ हजार ६६ विद्यार्थी परीक्षामा सहभागी भएको परीक्षा नियन्त्रण कार्यालय सानो ठिमी भक्तपुरका परीक्षा उपनियन्त्रक प्रह्लाद अर्यालले बताउनुभयो । तर, परीक्षा अवधिभर चिटचोर्ने, सट्टामा परीक्षा दिने दिलाउने एक सयभन्दा बढी विद्यार्थी निष्काशित भएका छन् ।
त्यसैगरी विद्यालयमा ७५ प्रतिशत हाजिर नभएको विद्यार्थीलाई पनि परीक्षामा सहभागी गराइएन । परीक्षा सम्पन्न गर्न २८ करोड रुपैयाँ विनियोजन गरिएको परीक्षा नियन्त्रण कार्यालयले जनाएको छ ।
यसैबीच, सर्लाहीमा एसएलसी परीक्षा शान्तिपूर्ण रूपमा सम्पन्न भएको जिल्ला शिक्षा कार्यालय सर्लाहीले जनाएको छ । छिटफुट अमर्यादित घटनाबाहेक सौहार्दपूर्ण रूपमा प्रवेशिका परीक्षा सकिएको जिल्ला शिक्षा अधिकारी राजकुमार विश्वकर्माले जानकारी दिनुभयो ।
सर्लाहीमा यस वर्षको एसएलसीमा अमर्यादित गतिविधि गर्ने चारजना विद्यार्थीको परीक्षा रद्द गर्नुका साथै पाँच निरीक्षकलाई कारबाही गरिएको उहाँले बताउनुभयो । जिल्लामा यस वर्ष नौ हजार तीन सय ३२ विद्यार्थी सहभागी भएको जिल्ला शिक्षा कार्यालय सर्लाहीले जनाएको छ । परीक्षाका लागि ३० वटा परीक्षा केन्द्र तोकिएको सहकर्मी सुरेश बिडारीले जानकारी दिए ।