८ वैशाख, काठमाडौं । सर्वोच्च अदालतले स्वतन्त्र विद्यार्थी युनियनको चुनावमा उम्मेदवारका लागि २८ वर्षभन्दा माथि हुन नहुने प्रावधान तत्काल लागू नगर्न आदेश दिएको छ ।
न्यायाधीश ज्ञानेन्द्रबहादुर कार्कीको एकल इजलासले आइतबार उमेर हदको निर्णय यथास्थीतीमा राख्न आदेश दिएको हो । साथै सरकारसँग लिखित जवाफ माग्नुका साथै दुबै पक्षलाई एकसातापछि छलफलमा बोलाउन आदेश दिएको छ ।
त्रिभुवन विश्वविद्यालयको चैत २३ गतेको विधान सभाले आगामी स्ववियु निर्वाचनमा २८ वर्ष नाघेका विद्यार्थी उम्मेदवार हुन नपाउने निर्णय गरेको थियो भने त्यसविरुद्ध १४ क्याम्पसका स्ववियु सभापतिले वैशाख ५ गते सर्वोच्चमा रिट दायर गरेका थिए ।