बागलुङ २०७० बैशाख ४ । बागलुङको राङखानी स्थित राङखानी उच्च माविमा मंगलवार साँझ आगलागी हुदाँ लाखौको क्षती भएको छ । राति करिव ८ बजे तिर बिद्युत सर्ट भई भएको आगलागीबाट बिभिन्न समान जलेर नष्ट हुदाँ लाखौको क्षती भएको बताइएको छ ।
आगलागिका कारण बिद्यालयमा रहेका १७ वटा कम्प्युटर,१ वटा ल्यापटप,१ वटा फोटोकपी मेसीन जलेर नष्ट भएको स्थानियले बताएका छन् । त्यसैगरि सामुदायिका अध्ययन केन्द्रको महत्वपूर्ण सामान कागजपत्र, बिद्यालयको कागज पनि जलेर नष्ट भएको छ ।
आगलागि हुनासाथ स्थानियवासीको सक्रियतामा आगो नियन्त्रणमा आएकाले थप क्षती हुन नपाएको र क्षतीको बिवरण आउन बाँकी रहेको बताइएको छ ।