काठमाडौं - २०६९ सालको एसएलसी परीक्षामा
सम्मिलितमध्ये नियमिततर्फ ४१ दशमलव ५७ प्रतिशत विद्यार्थी उतीर्ण भएका
छन्। परीक्षा नियन्त्रण कार्यालय, सानोठिमीले गत वर्ष चैतमा लिएको
परीक्षाको परिणाम परीक्षा सकिएको ८१ औं दिन मंगलबार सार्वजनिक गरेको हो।
उत्तीर्णमध्ये १६ हजार ९ सय २४ विशिष्ट, ७६ हजार १ सय ६५ प्रथम, ६९ हजार ८
सय ३० द्धितीय र ५ हजार १६ तृतीय श्रेणीमा छन्। गत वर्ष सबैभन्दा बढीले
द्धितीय श्रेणी ल्याएकामा यस वर्ष प्रथम श्रेणी ल्याउने बढी छन्।
अघिल्लो
वर्ष १७ हजार ७ सय ६० विशिष्ट र ७७ हजार ३ सय ८३ विद्यार्थी प्रथम
श्रेणीमा पास भएका थिए। द्धितीय श्रेणीमा सबैभन्दा बढी १ लाख १ हजार ४ सय
२५, तृतीय श्रेणीमा ११ हजार ६ सय १९ पास भएका थिए।
शिक्षा सचिव
डा. सोमलाल सुवेदी अध्यक्षतामा पनिका, सानोठिमीमा बसेको माध्यमिक शिक्षा
उत्तीर्ण परीक्षा समितिको बैठकले दिउँसो नतिजा निकालेको हो।
०६९ को परीक्षामा सम्मिलित ५ लाख ११ हजार १ सय ६५ मध्ये नियमिततर्फ ४१.५७ प्रतिशत र एक्जाम्टेडतर्फ ७.७६ प्रतिशत उत्तीर्ण भए। नियमिततर्फ ४ लाख ३ हजार ९ सय ३६ मध्ये १ लाख ६७ हजार ९ सय ३५ उत्तीर्ण भए।
परीक्षानियन्त्रक खगराज बरालका अनुसार यस वर्ष दुई विषयमा अनुत्तीर्णलाई ५ नम्बर ग्रेस दिँदा पनि नतिजा गत वर्षको भन्दा ५.५९ प्रतिशतले घट्यो। गत वर्ष ४७.१६ विद्यार्थी उत्तीर्ण भएका थिए।
यसैगरी, एक्जाम्टेडतर्फ १ लाख ७ हजार २ सय २९ परीक्षार्थीमध्ये ८ हजार ३ सय १८ विद्यार्र्थी उत्तीर्ण भए। यस वर्ष नियमित र एक्जाम्टेड गरी कूल १ लाख ७६ हजार २ सय ५३ उत्तीर्ण भए भने ३ लाख ३४ हजार ९ सय १२ (५८.४३ प्रतिशत) अनुत्तीर्ण भए।
यसपालि छात्रतर्फ ४६.७८ र छात्रातर्फ ३६.१५ प्रतिशत उत्तीर्ण भए। गत वर्ष पनि छात्र नै बढी ४२.२६ प्रतिशत पास भएका थिए। सहभागिताको हिसाबले पनि बढी छात्र नै भएकाले उत्तीर्ण प्रतिशत पनि उनीहरुकै बढी भएको नियन्त्रक बरालको दाबी छ।
'हामीले परीक्षा बढी व्यवस्थित र मर्यादित बनाउने तयारी गरेका थियौं,' परीक्षानियन्त्रक बरालले नागरिकसँग भने, '५ नम्बर ग्रेस दिँदा मात्र १६ हजार विद्यार्थी थप उत्तीर्ण भए। नत्र नतिजा झन् घट्ने थियो। सबैभन्दा बढी सरकारी स्कुलका विद्यार्थी गणित, विज्ञान र अंग्रेजीमा अनुत्तीर्ण भएको उनले जानकारी दिए।
०६९ को परीक्षामा सम्मिलित ५ लाख ११ हजार १ सय ६५ मध्ये नियमिततर्फ ४१.५७ प्रतिशत र एक्जाम्टेडतर्फ ७.७६ प्रतिशत उत्तीर्ण भए। नियमिततर्फ ४ लाख ३ हजार ९ सय ३६ मध्ये १ लाख ६७ हजार ९ सय ३५ उत्तीर्ण भए।
परीक्षानियन्त्रक खगराज बरालका अनुसार यस वर्ष दुई विषयमा अनुत्तीर्णलाई ५ नम्बर ग्रेस दिँदा पनि नतिजा गत वर्षको भन्दा ५.५९ प्रतिशतले घट्यो। गत वर्ष ४७.१६ विद्यार्थी उत्तीर्ण भएका थिए।
यसैगरी, एक्जाम्टेडतर्फ १ लाख ७ हजार २ सय २९ परीक्षार्थीमध्ये ८ हजार ३ सय १८ विद्यार्र्थी उत्तीर्ण भए। यस वर्ष नियमित र एक्जाम्टेड गरी कूल १ लाख ७६ हजार २ सय ५३ उत्तीर्ण भए भने ३ लाख ३४ हजार ९ सय १२ (५८.४३ प्रतिशत) अनुत्तीर्ण भए।
यसपालि छात्रतर्फ ४६.७८ र छात्रातर्फ ३६.१५ प्रतिशत उत्तीर्ण भए। गत वर्ष पनि छात्र नै बढी ४२.२६ प्रतिशत पास भएका थिए। सहभागिताको हिसाबले पनि बढी छात्र नै भएकाले उत्तीर्ण प्रतिशत पनि उनीहरुकै बढी भएको नियन्त्रक बरालको दाबी छ।
'हामीले परीक्षा बढी व्यवस्थित र मर्यादित बनाउने तयारी गरेका थियौं,' परीक्षानियन्त्रक बरालले नागरिकसँग भने, '५ नम्बर ग्रेस दिँदा मात्र १६ हजार विद्यार्थी थप उत्तीर्ण भए। नत्र नतिजा झन् घट्ने थियो। सबैभन्दा बढी सरकारी स्कुलका विद्यार्थी गणित, विज्ञान र अंग्रेजीमा अनुत्तीर्ण भएको उनले जानकारी दिए।