प्रिन्सिपल दम्पतीलाई पिट्दै प्रहरीमा बुझाइयो

१५ साउन, धरान । भारतको मणिपुरका नागरिकद्वारा घरान-१९ मा सञ्चालित इमानोयल इन्टरनेशनल स्कुलका प्रिन्सिपल कपिङ मारम र श्रीमती रेदिला मारमलाई प्रहरीले पक्राऊ गरेको छ । आफ्नै विद्यालयमा अध्ययनरत छात्रालाई दुव्र्यवहार गरेको आरोपमा उनीहरुलाई स्थानीयवासीले प्रहरीको जिम्मा लगाएका हुन् ।

प्रिन्सिपल मारम र उनकी श्रीमती रेदिला मारमलाई स्थानीयवासीले कुटपिट गर्दै इलाका प्रहरी कार्यालयमा पुर्‍याएका हुन् । उनीहरुले सञ्चालन गरेको विद्यालयमा २४ जना छात्रा र र ३४ जना छात्रहरु अध्ययनरत छन् ।

विद्यालय सञ्चालक मारमद्वारा छात्रामाथि यौन दुब्र्यवहार गरेको उजुरीका आधारमा मारम दम्पत्तिलाई पक्राउ गरिएको र यस विषयमा अनुसन्धान भइरहेको इलाका प्रहरी कार्यालय धरानका डीएसपी चन्द्रदेव राईले बताउनुभयो ।

 औषधि खुवाएर छात्रामाथि यौनशोषण

धरानमा रहेको क्रिश्चयन  मिसनको एक विद्यालयका  प्रिन्सीपलले आफ्नै स्कुलका  छात्राहरुमाथि  चरम यौनशोषण गर्ने गरेको खुलासा भएको छ ।

धरान १९ स्थित स्मानुएल इन्टरनेशनल  बोर्डिङ स्कुलका प्रिन्सीपल कपिङ मारामले छात्राहरुमाथि चरम यौन शोषण गरेको एक छात्राले  सोमबार खुलासा गरेकी हुन । माराम भारत सिक्कीमका नागरिक हुन् ।  यौनशोषणमा परेकी छात्राले  रहस्य सावजनिक गरेपछि प्रिन्सीपल मारम र उनकी श्रीमती रोदिलालाई प्रहरीले हिरासतमा लिएको छ ।

स्कुलको छााबासमा  आफु लगायत थुप्रै छात्रालाई प्रिन्सीपल मारामले यौनशोषण गर्दै आएको ती छात्राले बताएकी हुन । आफुभन्दा पहिला पनि एक छात्रामाथि यौनशोषणगरेको जानकारी आफुले पाएको तर डरका कारण  त्यसबेला कसौई भन्न नसकेको  उनले बताइन । उनले ती विद्यार्थी  बाहिरीएपछि  आफुमाथि पनि  सोहि व्यवहार गर्न थालेको तर डरले कसैलाई पनि  जानकारी नगराएको ती छात्राले बताइन  ।

उनले सधैजसो छात्राहरुलाई अध्यारो भएपछि  औषधि खुवाएर लट्ठ  बनाउने र यौनशोषण गर्ने गरेको खुलाईन । “ विद्यालयकै जोन नाम गरेका शिक्षकले एकप्रकारको लिक्विड दिने गरेको थियो । त्यो खाएपछि चेत नै हराउथ्यो,” उनले भनिन् “खाली राति राति मात्रै ल्याएर दिन्थ्यो । नाम केहो भन्ने पनि हेर्न पाइदैनथ्यो ।

तर, पीडित छात्राको भाईले प्रिन्सीपल मारामले यौनशोषण गरेको थाहा पाएपछि  दिदिमार्फत  सोमबार रहस्य  सार्वजनिक भएको हो । भाइ पनि सोहि स्कुलमा पढ्दै आएका छन । “भाइले थाहा पाएको रहेछ,” ती छात्राले भनिन्  “पछि दिदिहरुलाई सुनाएपछि  सबै कुुरा भनेकी हुँ” आजको राजधानीले लेखेको छ ।

स्कुलमा हाल २४ जना छात्रा  र ३४ जना छात्र छात्राबासमा बस्छन । स्कुलका प्रिन्सीपल मारामले  बिद्यार्थीलाई बन्धक बनाएर राख्ने  गरेको समेत खुलेको छ ।

११ बर्षीया एक छात्राले प्रिन्सीपल मारामले  संबेदनशील अंग र गुप्तांगमा समेत हात लगाउने गरेको  बताइन । “ उसले हरेक दिन छात्राहरुलाई  बोलाएर संवेदनशील अंगहरुमा हात लगाउने गरेको थियो” ती बालिकाले भनिन् त्यस्तै अर्की एक छात्राले पनि जहिल्यै राती आएर संबेदनशील अंगहरुमा  हात लगाउदै यौन दुव्र्यबहार गर्ने गरेको  बताईन । कसैलाई  पनि बाहिर जान नदिने  साथै विरामी भएपनि  उपचारका लागि औषधि  नदिने गरेको उनले गुनासो गरिन । “ जहिल्यै राति आएर  छाम छुम गथ्र्यो,” ती छात्राले भनिन् “प्रतिकार गर्दा मारिदिन्छु भन्दै धम्की दिन्थ्यो ।”

यसैबीच इलाका प्रहरी कार्यालय धरानका प्रहरी नायब उपरिक्षक  चन्द्रदेव राईले  घटनाको अनुसन्धान भइरहेको र दोषि पाइए कारबाही गरिने बताए । “अनुसन्धान नगरी बोल्न मिल्दैन,” उनले भने “दोषि पाइए कारबाहीको प्रक्रिया  अघि बढ्छ ।” उनले यौनशोषण भएको भन्ने  अभिभावकहरुले जानकारी गराएछि तत्कालै आरोपितहरुलाई पक्राउ गरिएको बताए ।