अनमोल मकर धामी/डडेल्धुरा, साउन १२ गते ।
विध्यालयको लेखा परिक्षण कति बर्ष नभएको होला २ बर्ष ४ बर्ष । तर डडेल्धुराको एउटा सामुदायिक बिद्यालयमा ७ बर्ष देखी अभिभावकले लेखा परिक्षण बारे जानकारी नै पाएका छैनन् ।
डडेल्धुराको गाँखेत गाविसमा पर्ने उणीकोट माध्यामिक बिद्यालय गाँखेतमा ७ बर्ष देखी पुरानो लेखा परिक्षण बारेमा अभिभावकले केही थाहा नै नभएको पाईएको छ । आर्थिक बर्ष २०६२/६३ मा अभिभावकलाई थाहा हुने गरी लेखा परिक्षण गराइए पनि त्यस यताका आर्थिक बर्षहरुमा कुनै पनि लेखा परिक्षण नभएको हो । २०६२/६३ मा त थाहा थियो तर पछिल्ला बर्षमा भयो भएन् थाहा नभएको अभिभावकहरु बताउछन् । बिद्यालय स्रोतले आर्थिक बर्ष २०६६/६७ मा जिल्ला शिक्षा कार्यालय डडेल्धुरामा लेखा परिक्षण गराय पनि अभिभावकले भने आफुहरुले त्यस बारेमा जानकारी नै नपाएको बताएका छन् । बिद्यालय ले लेखा परिक्षण गरायको दाबी गरेको छ ।
तर त्यसरी गराइएको लेखा परिक्षण आफुलाई मान्य नहुने अभिभावकहरुको भनाई रहेको छ । आर्थिक बर्ष २०६६/६७ को लेखा परिक्षण भयपनि त्यस यताका आर्थिक बर्षहरु लेखा परिक्षण पनि नभएको बिद्यालय स्रोतले स्विकार गरेको छ ।