गल्कोट २०७० साउन १६ । गाँउगाँउमा सँचालित उच्च मा बि हरुबाट २०६९ सालको एस एल सी परीक्षामा अति न्यून बिद्यार्थी उत्तीर्ण भएका कारण उमावि सन्चालनमा कठिनाई भएको छ। कक्षा ११ पढाई सुरु भएको छ तर , बागलुङका ग्रामिण भेगमा सँचालित उमाबिहरुले ८/१० जना मात्र बिद्यार्थीलाई पढाउन बाध्य भएका छन्। गाँउका अभिभाबकले छाक कटाएर चन्दा सँकलन गरि चलाएका उमाबिहरु यतिबेला मारमा परेका छन् ।
शिक्षा प्रणाली सुधार नगरि परिक्षालाई मात्र मर्यादित बनाउने जिल्ला शिक्षा कार्यालयको कदमले यो समस्या परेको बिद्यालयका प्राचार्यहरु बताउछन्। अर्कोतिर एउटै गाबिसमा दुई ओटा सम्म उमाबि सन्चालन गरिदा पनि सन्चालनमा समस्या परेको छ।
बिगतका बर्षमा ११ कक्षामा डेढ दुई सय सम्म बिद्यार्थी भर्ना हुने गल्कोटको सबैभन्दा पुरानो गल्कोट उच्चमाबिमा अहिले २०/२२ जना बिद्यार्थी पढ्न आएको प्रार्चाय देबेन्द्र खत्रीले धौलाश्रीलाई बताए। त्यसमा पनि सबै भर्ना नभएकोले कति घट्ने हुन निश्चित छैन, प्राचार्य खत्री बताउछन्। त्यसै गरि गत बर्ष ५० जना बिद्यार्थी भर्ना भएको महेन्द्र उमाबि नरेठाँटीमा अहिले ८ जनाले मात्र पढिरहेको प्राचार्य शिब प्रसाद पाण्डे बताए ।
कक्षा ११मा विद्यार्थी नपाएर धेरै उच्चमाविहरुको दयनीय अबस्था छ । हिलको हरि उमाबिमा त एक जना बिद्यार्थीपनि कक्षा ११ मा भर्ना भएका छैनन् ।
‘एसएलसी परीक्षामा अतिनै कम पास भए, त्यसमा पनि अलि राम्रो प्रतिशत ल्याउने बिद्यार्थी शहर तिर लाग्छन र कतिपय एसएलसि पछि बिदेश जाने लहर चलेकोले माबिमा भन्दा +२ मा बिद्यार्थी सँख्या घटने गरेको पृथ्बी उ मा बि हरिचौरका प्रध्यानध्यापक बद्रि ढकाल बताउछन्। चन्दा सँकलन गरेर चलाएका +२ मा बिद्यार्थी घटेसँगै सँचालनमा कठिनाई’ भएको महेन्द्र उ मा बि नरेठाँटीका बि ब्य स अध्यक्ष बुल बहादुर के सीले बताए ।