बागलुङ, २०७० असोज १४ । बागलुङ जिल्लाका सामुदायिक विद्यालयको शैक्षिक गुणस्तर खस्किनुका साथै कमजोर नतिजा आएको भन्ने व्यापक टिप्पणी भैरहेको बेला शिक्षाविद प्राध्यापक डा विद्यानाथ कोईरालाले सामुदायिक विद्यालय सुधारका लागि आठ विकल्प प्रस्तुत गरेका छन ।
जिल्ला शिक्षा कार्यालय बागलुङ, चारतारे युवा क्लव, सेतो गुँरास बालविकास केन्द्र लगायत शिक्षासँग सरोकार राख्ने संघ संस्थाको संयुक्त आयोनजामा सामुदायिक विद्यालय सुधार अभियान अन्तर्गत शिक्षकले चाहेमा गर्न सक्छन’ विषयक मूल्याङ्कन कार्यक्रममा डा कोईरालाले यी ८ विकल्पहरु प्रस्तुत गरेका हन् ।
प्राडा कोईरालले सामुदायिक विद्यालयको शैक्षिक वातावरण, व्यवथापकीय पक्ष लगायतका चौतर्फि विकासको ख्याल राखी शिक्षकले गर्न सक्ने विकल्पमा पढाईलाई जीवन र जीविकासँग जोड्नुपर्ने, सवै विचारहरुलाई न्याय गर्ने, शिक्षक पहिले पेशाकर्मी बन्नुपर्ने, भाषिक सहअस्तित्व कायम गर्नुेपर्ने लगायतका विकल्प कार्यक्रममा प्रस्तुत गरेका थिए ।
शिक्षकले चाहेमा यो पनि गर्न सकिन्छ विषयक अवधारण पत्रमा उनले अभियानका क्रममा सुनेका र खेपेका जिज्ञासालाई मेटाउँदै शिक्षकले शैक्षिक सुधारको लागि दलिय बने पनि हराम नबन्ने, जनप्रविधि र आधुनिक प्रविधि जोड्ने स्वम्मानित बन्ने, आफना औजार आफै खोज्ने, आफै तिखार्ने जस्ता प्राविधिक तथा व्यवथापकीय काम गर्न शिक्षकहरुलाई सुझाव दिएका छन् ।
कार्यक्रममा बोल्दै शिक्षा विभागका निमित्त सचिव महाश्रम शर्माले सामुदायिक विद्यालयको शैक्षिक गुणस्तर सुधार स्थानीय स्तरबाटै सुरुवात गर्नुपर्नेमा जोडदिएका थिए । शिक्षालाई बालमैत्री र प्रयोग योग्य बताउन स्थानीय श्रोत र साधानको प्रयोग गर्न सके सिकाई दिगो र व्यवहारीक हुने शर्माको भनाई थियो ।
सो अवसरमा बागलुङका ६ नमुना विद्यालयको बारेमा तयार गरिएको डकुमेन्ट्री प्रदर्शन गरिएको थियो ।
Source: www. ebaglung .com