अपाङ्ग विद्यार्थीको शिक्षाका लागि रु. ३३ लाखको अक्षयकोष स्थापना

सन्तोष गौतम, म्याग्दी २०७० कात्तिक १० । म्याग्दी जिल्लाका अपाङ्गता भएका बालबालीकाको शिक्षाका लागि ३३ लाख रुपैयाको अक्षयकोष स्थापना गरिएको छ । रोजगारीको सिलसिलामा हङकङमा पुगेका म्याग्देलीहरुले जिल्लाका तिन विद्यालयमा सञ्चालीत स्रोत कक्षाका लागि नगद संकलन गरि अक्षयकोषको स्थापना गरेका हुन् ।

सिङ्गाको धौलागिरि माविमा सञ्चालित बहिरा, पुलाचौरको बालजागृती प्राबिमा रहेको बौद्धीक अपाङ्गता र पिप्ले मौवाफाँटको ज्ञानोदय माविद्धारा सञ्चालीत दृष्टिबीहिन स्रोत कक्षा सञ्चालनका लागि ११÷११ लाख रुपैयाको अक्षयकोष स्थापना गरिएको म्याग्दी प्रवासी नेपाली संघ (मोना) हङकङका अध्यक्ष दल शेरपुञ्जाले जानकारी दिए।

अध्यक्ष शेरपुञ्जाका अनुसार अपाङ्गता स्रोत कक्षाका विद्यार्थीको भरणपोषण र शिक्षकको तलव व्यवस्थाका लागि ब्याजबाट खर्च गर्ने गरि सम्बन्धित विद्यालयका प्रअ, जिल्ला शिक्षा कार्यालयका प्रतिनिधी र मोना म्याग्दीका अध्यक्षको नाममा अक्षयकोष स्थापना गरिएको छ ।

फरक क्षमत्ताका कारण विद्यालय जानबाट बञ्चित भएका बालबालीकालाई शिक्षाको पहुँचमा ल्याउनका लागि सञ्चालन भएका स्रोतकक्षाहरु दिगो स्रोतको अभावमा संकटमा परेको अवस्थामा प्रवासीले गरेको सहयोगले स्रोत कक्षा सञ्चालनमा राहत मिलेको जिल्ला शिक्षा कार्यालयकी लेखाजोखा संयोजक कल्पना खड्काले बताईन ।

खडकाका अनुसार बहीरा स्रोत कक्षामा १५, दृष्टिविहीन स्रोत कक्षामा ९ र बौद्धीक अपाङ्ग स्रोत कक्षामा २० जना फरक क्षमत्ता भएका बालबालीकाले शिक्षा लिइरहेका छन् । म्याग्दी प्रवास नेपाली संघ (मोना) हङकङले गत भदौ २ गते हङकङमा म्याग्दीको मौलीक पञ्चेबाजा, यानीमाया, थालीनाच लगायत गित र नृत्य प्रस्तुत गरेर सहयोग संकलन गरेको थियो ।

कार्यक्रममा ४३ लाख ५५ हजार ३८१ रुपैया संकलन भएकोमा १० लाख ५५ हजार ३८१ रुपैया खर्च भई बचत भएको ३३ लाख रुपैया अपाङ्गता स्रोत कक्षा सञ्चालन गरेका तीन विद्यालयलाई समान रुपमा अक्षकोष स्थापना गरि उपलब्ध गराइएको संस्थाका कोषाध्यक्ष कर्ण पुनले बताए ।
source:ebaglung.com