चन्द्रश्वर बस्ताकोटी, मुस्ताङ, कार्तिक ७ गते । हिमाली जिल्ला मुस्ताङको शिक्षाका लागि नेपाल सरकार शिक्षा मन्त्रालयले यो बर्ष करिब ५१ करोड लगानी गर्ने भएको छ ।
बिद्यालय क्षेत्र सुधार कार्यक्रमका लागि ४१ करोड ८ लाख ३३ हजार रुपैया शिक्षा बिभागले मुस्ताङका लागि बिनियोजन गरेको छ । यसै गरि शिक्षकको बार्षिक तलब करिब ९ करोड, जिल्ला शिक्षा कार्यालयका कर्मचारीको तलब सहित साधारण बजेट करिब १ करोड गरि जिल्लामा करिब ५१ करोड शिक्षामा सरकारले खर्च गर्ने भएको हो । जिल्ला बिकास समिती, बिभिन्न गैहसरकारी सस्थाहरु, नेपाल सरकारका अन्य बिभाग, मन्त्रालय, ब्यक्तिबिषेशले गर्ने लगानी यसमा समाबेश नभएको जिल्ला शिक्षा कार्यालयका उपसचिब राम प्रसाद आचार्यले बताउनु भयो ।
बिद्यालय क्षेत्र सुधार कार्यक्रम अन्र्तगत भौतिक सुधार कार्यक्रमका लागि ७९ लाख, साक्षरता शिक्षाका लागि २७ लाख, शैक्षिक गुणस्तर अभिबृद्धिका लागि १० लाख ६५ हजार, शिक्षक तालिमका लागि १५ लाख १६ हजार, बिद्यालय ब्यबस्थापन र अनुगमनका लागि २२ लाख २४ हजार बिनियोजन भएको छ । हिमाली छात्रवासका लागि ११ लाख २४ हजार छात्रबृद्धि, शैक्षिक सामाग्राका लागि ५३ लाख ५७ लाख रुपैया बिद्यालयमा अनुदानका रुपमा प्रदान गरिने उपसचिब रामप्रसाद आर्चायले जानकारी दिनुभयो । बिद्यालय शिक्षामा पहुचको सुनिष्चताका लागि १३ लाख ५० हजार र प्रारम्भक बालबिकास तथा शिक्षाका लागि २१ लाख ९४ हजार बिनियोजन भएको छ । यसै गरि शिक्षकको बार्षिक तलब करिब ९ करोड र जिल्ला शिक्षा कार्यालयका कर्मचारीको तलब एव अन्य साधारण खर्च करिब १ करोड हुने देखिन्छ ।
जिल्लामा १ हजार २ सय ८२ छात्रा र १ हजार २ सय ५३ छात्र गरि २ हजार ५ सय ३५ जना बिद्यार्थी कक्षा १ देखि १२ सम्म अध्ययन गरिरहेका छन । जिल्ला शिक्षा कार्यालय मुस्ताङले जिल्लाका सबै बिद्यार्थीहरुको ब्यक्तिगत बिबरण सहितको परिचय खुल्ने बिबरण अद्याबधिक गरिसकेको जनाएको छ । यसको प्रमाणीकरणको प्रक्रियामा रहेका उपसचिब आचार्यले बताउनु भयो ।