नेपालगन्ज, मंसिर १२ गते । बा“केका अधिकांश बिद्यालय अपाङ्गमैत्री नभएको पाईएको छ ।
जिल्ला शिक्षा अनुगमन समितिले बाँकेका ५ वटा विद्यालयमा गरेको अनुगमनका क्रममा ति विद्यालयहरु अपाङ्गमैत्री नभएको पाईएको हो । सरकारले समाहित शिक्षाको अवधारणा अख्तियार गरेपनि त्यसको व्यवहारिक कार्यान्वयन बा“केमा हुन नसकेको अनुगमन समितिले ठहर गरेको छ ।
विद्यालयका भौतिक संरचनाहरुमा र्याम्प नभएको, शौचालयपनि अपाङ्गमैत्री नभएको पाईएको समितिले जनााएको छ । “बिद्यालयको भौतिक संरचनादेखि शिक्षण सिकाई प्रक्रियापनि अपाङ्गमैत्री नभएको पाईयो” अनुगमनपछि राष्ट्रिय शिक्षक संगठनका अध्यक्ष एकदेव पन्थिले भन्नुभयो “कैंयौ विद्यालयमा अपाङ्गता भएका बालबालिकाहरुको तथ्याङक समेत छैन ।”
अधिकांश विद्यालयमा अपाङ्गता भएका बालबालिकाहरुले छात्रबृत्ति समेत नपाएको पाईएको पन्थिको भनाई छ । अपाङ्गता भएका बालबालिकाहरुको परिचयपत्र नहु“दा छात्रबृत्ति उपलब्ध गराउन नसकिएको सम्बन्धित विद्यालयका प्रधानध्यापकहरुले वताएका छन् ।
त्यसक्रममा जिल्ला शिक्षा कार्यालय बा“केका योजना अधिकृत मनप्रसाद रेग्मीले छात्रबृत्तिका लागि कार्यालयले कुनै कसुर बा“की नराखेको बताउनु भयो । “प्राविधीक केही समस्या छन्, त्यसलाई व्यवस्थापन गरि समस्यालाई टुङग्याईने छ,–उहाले भन्नुभयो ।
समितिले जिल्लाका मावि बनकट्टी, शहिद स्मारक उच्च मावि कम्दी, सरस्वती मावि पनेरिया फत्तेपुर, सिद्देश्वर उच्च मावि सिधनिया र निमावि सररा फत्तेपुरका ५ विद्यालयको अनुगमन गरेको थियो ।
डेक नेपाल र सिया नेपालको आयोजनामा अनुगमनमा शिक्षा कार्यालयका योजना अधिकृत मनप्रसाद रेग्मीको संयोजनमा डेकका निर्देशक देविदत्त आचार्य, राष्ट्रिय अपाङ्ग महासंघका क्षेत्रीय अध्यक्ष भावकुजंग थापा, शिक्षक संगठनका अध्यक्ष एकदेव पन्थि, अनुगमन समितिका सदस्य हेमकुमार रावत, रेडियो कृष्णसार एफएमका समाचार सह–संयोजक प्रियास्मृती ढकालको सहभागिता रहेको थियो ।