दुर्गा भुजेल
रामेछाप, १४ पौष ।
नेपाली काँग्रेस निकट नेपाल शिक्षक संघले आफ्नो साँगठानीक अभियानलाई तीव्र वनाएको छ । संविधान सभाको निर्वाचन अघि क्षेत्र नं १ को वाम्ती र क्षेत्र नं २ को दोरम्वामा क्षेत्रिय भेला गरी अभियानको शुरुवात गरेको थियो ।
उक्त संघले संविधान सभा पछिका दिनमा जिल्लाका एघार वटै इलाकाहरुमा इलाका भेलाको आयोजना गर्ने जनाएको छ । संघका अध्यक्ष नवराज घिमिरेका अनुसार सवै इलाकास्तरमा हुने भेलामा संविधान सभा निर्वाचनमा संघका सदस्यहरुले निभाएको भुमीका र उनीहरुको कामको समीक्षा गरीएको छ ।
त्यसैगरी भेलामा शैक्षिक समस्या र समाधानका लागि जिल्ला स्तरवाट संस्थागतरुपमा गर्न सकिने पहलको वारेमा छलफल गर्नुको साथै त्यसको निकासका लागि आवश्यक परे जिल्ला शिक्षा कार्यालय र अन्य सहयात्री संघ संस्थाहरुसँग सहकार्य गरी अघि वढ्ने वारेमा पनि छलफल भएको छ । त्यसको लागि आवश्यक वातावरण तयार गरी संगठनको गतिविधीलाई भेलाले गरेको निर्णय र कार्ययोजना अनुसार निरन्तर रुपमा संचालन गर्ने वारेमा समेत छलफल भएको पनि अध्यक्ष घिमिरेले वताए ।
उनका अनुसार शैक्षिक गुणस्तर बृद्धिका लागि शिक्षक संघले गम्भिरताका साथ काम गरीरहेको र त्यसलाई रामेछापका सबै शिक्षण संघ संस्थाहरुमा समेत नितिगत रुपमा लागु हुने गरी न्यायोचित र सकारात्मक भुमीकामा शिक्षक संघको उपस्थिती हुनुपर्ने वारेमा समेत भेलामा छलफल भएको थियो ।
रामेछापका दुइवटा निर्वाचन क्षेत्रहरुवाट गरी करीव १ हजार सदस्य आवद्ध रहेका उक्त संघले आफ्ना सदस्यहरुको हिसावमा केही हप्ता अघिमात्र करीव १६ लाखको लागतमा तीन तले पक्का भवन निमार्ण गरेको छ । भवन निमार्ण पछि संघले कार्यालय संचालन गर्नुको साथै आगामी दिनमा सदरमुकाम वाहीरवाट आएका आफ्ना सदस्यहरुलाई कार्यालयभित्रै सहुलीयत दरमा खाने वस्ने समेत व्यवस्था मिलाउने तयारी समेत गरेको छ ।
source:merojilla.com