बागलुङ, माघ १७ । नेपाली कांग्रेस बागलुङका सभापति तथा सभासद प्रकाश शर्मा पौडेलले बलेवा पैयुँपाटा बहुमुखी क्याम्पस बागलुङको नवौँ अधिवेशन उद्.घाटन गर्दै हरेक नागरिकलाई उच्च शिक्षा निःशुल्क व्यवस्था गर्नुपर्ने बताएका छन् ।
उनले नयाँ संविधानमा सवैको शिक्षाको अधिकार सुनिस्चितगर्न पहल गर्ने बताए । शिक्षा लिनकोलागि यहाँका विद्यार्थी विदेशिने क्रम रोकी नेपाललाईनै अन्तराष्ट्रिय शिक्षाको गन्तव्य बनाउन समेत पहल गर्नु पर्ने उनको भनाई थियो ।
व्यवस्थापन समितिका अध्यक्ष हेमराज शर्मा पौडेलको अध्यक्षतामा सम्पन्न कार्यक्रममा नेपाली कांग्रेसका महाधिवेशन प्रतिनीधि नवराज पौडेल, कांग्रेस पैयुँपाटाका सभापति नारायण शर्मा पौडेल, नेकपा एमालेका यज्ञ रखाल, एमाओवादीका टिकाराम पाठक, पृथ्वी उच्च माविका प्राचार्य इश्वरी प्रसाद ढकाल, क्याम्पसका संरक्षक चुडामणी शर्मा पौडेल लगायतले बोलेका थिए ।
कार्यक्रममा क्याम्पस प्रमुख ज्ञानेन्द्रराज पन्तले बार्षिक प्रगति प्रतिवेदन पेश गरेका थिए । क्याम्पस व्यवस्थापन समितिको नयाँ नेतृत्व चयनकोलागि अध्यक्षमा ६ जना र सदस्यमा १५ जनाको उम्मेदवारी परेको छ ।