25.jpg)
शिक्षक सेवा आयोगले प्रकाशित गरेको नतिजामा चित्त नबुझेर हालिएको रिटमा सर्वोच्च अदालतले अन्र्तवार्ता रोक्नु नपर्ने फैसला गरेपछि यी दुई बिषयको लिखित परीक्षामा उत्तीर्ण शिक्षकहरुको अन्तर्वाता लिन बाटो खुलेको हो ।
प्रकाशित भएको नतिजा गल्ति भएको भन्दै आयोगले दोश्रो पल्ट नतिजा प्रकाशित गर्दा १९ जना परिक्षार्थीको नाम फेरबदल भएपछि मुद्दा परेको थियो । यहि नतिजाका विरुद्ध राघवकुमार झालगायतले अन्र्तवार्ताको प्रकृया रोकि अन्तरिम आदेश माग गर्दै मुद्दा हाल्नु भएको थियो ।
न्यायाधीश कल्याण श्रेष्ठ र तर्कराज भट्टको ईजलासले गरेको फैसलामा “संशोधित परिक्षाफलको कार्यान्वयनमा हस्तक्षेप गर्नु पर्ने कारण तत्काल देखिन नआएकोले माग बमोजिम अन्तरिम आदेश जारी गर्नु परेन” भनिएको छ । यो सँगै उचित समयमा प्रकृया पुर्याएर अन्र्तवार्ताको काम शुरु गर्ने आयोगले जनाएको छ ।
आइतबार भएको फैसला सोमबार प्राप्त भएको आयोगका उपसचिव नारायण भट्टराईले बताउनुभयो । शिक्षक सेवा आयोगले लिएको परीक्षामा अनियमितता भएको आशंकामा अख्तियारले पनि छानवीन गरिरहेको छ ।
काठमाडौं जिल्लामा माध्यामिक तहको स्वास्थ्य र शारीरिक विषयको शिक्षक छनौटको अन्र्तवार्ता लिने बाटो खुले पनि अन्य जिल्ला र विषयको परीक्षाको प्रकृया भने अख्तियारको छानविन पुरा नभएसम्मका लागि अन्यौलमै छ ।