काठमाडौं , फाल्गुन १२ - प्राविधिक शिक्षा तथा व्यावसायिक तालिम परिषद् (सीटीईभीटी) ले गुणस्तरीय शिक्षा प्रदान गर्ने तीन शैक्षिक संस्थालाई उत्कृष्ट घोषणा गरेको छ । सीटीईभीटीले २६ औं वार्षिकोत्सवका अवसरमा सोमबार स्वास्थ्यतर्फ नेपाली सेना स्वास्थ्य विज्ञान संस्थान, इन्जिनियरिङतर्फ ख्वप बहुप्राविधिक अध्ययन संस्थान र कृषि तर्फ नेपाल पोलिटेक्निक इन्सिटच्युटलाई उत्कृष्ट घोषणा गरेको हो । नतिजा, अनुगमन प्रतिवेदन र पूर्वाधारका आधारमा ती शिक्षालय छानिएका हुन् ।
सीटीईभीटीले यो वर्ष पहिलो पटक वाषिर्कोत्सव मनाएको हो । कार्यक्रममा उसले उत्कृष्ट कर्मचारी, पूर्वसदस्य सचिव तथा पूर्वकर्मचारीलाई सम्मान गरेको छ ।
Source: http://www.ekantipur.com/np/2070/11/12/full-story/384709