सन्तोष गौतम, म्याग्दी २०७० फागुन १४ । आगामी चैत ६ देखि १४ गतेसम्म्म सञ्चालन हुने प्रवेशिका परिक्षा (एसएलसी)का लागि म्याग्दीमा ९ वटा परिक्षा केन्द्र निर्धारण गरिएको छ ।
मुक्तिमार्ग उच्च मावि घार, मुक्तिधाम उच्च मावि राखु भगवती, हेम उच्च मावि शिवाङ, जनप्रिय उच्च मावि दरवाङ, मंगला उच्च मावि बाबियाचौर, धौलागिरि मावि सिंगा, बेनी सामुदायीक उच्च मावी बेनी, प्रकाश उच्च मावि र न्यु वेष्ट प्वाईन्ट उच्च माविमा एसएलसी परिक्षा केन्द्र निर्धारण भएको हो ।
अघिल्लो वर्षदेखि होमसेन्टर हटाएकाले परिक्षा केन्द्र रहने विद्यालयका विद्यार्थीहरुले नजिकैको अर्को परिक्षा केन्द्रबाट एसएलसीमा सहभागि हुने जिल्ला शिक्षा कार्यालयका विद्यालय निरिक्षक विश्वप्रकाश रेग्मीले जानकारी दिए ।
रेग्मीका अनुसार यसवर्ष म्याग्दीका ५८ वटा सामुदायीक, ७ वटा निजी र १ वटा खुला विद्यालयका नियमित २ हजार ३३ र एक्जाम्टेडतर्फ २ सय ४५ गरि २ हजार २ सय ७८ जना विद्यार्थी यस वर्ष प्रवेशिका परिक्षामा सहभागी हुदैछन् ।
एसएलसीका लागि उत्तरपुस्तिका र प्रश्नपत्र समेत प्राप्त भइसकेको जानकारी दिदै विद्यालय निरीक्षक रेग्मीले केही दिनमै सबै परीक्षा केन्द्रमा उत्तरपुस्तिका पठाइने जानकारी दिए ।