बालकृष्ण सुबेदी ,गल्कोट, २०७० फागुन १४ । प्रगति प्राथमिक बिद्यालय सप्ताहघाट मल्मको २४ सौँ बार्षिकोत्सव आज सम्पन्न भएको छ ।
कार्यक्रममा बोल्दै प्रमुख अतिथि जिल्ला शिक्षा अधिकारी नन्दलाल पौडेलले बच्चा जन्मने बित्तिकै अग्रेजी पढाउदैमा गुणस्तरिय शिक्षा नहुने भन्दै आधारभुत तहमा बालबालिकालाई मातृभाषा नै पढाउनु पर्ने बताए ।
अग्रेजी शिक्षाको मात्र पछि लाग्दा बालबालिकाको भविष्य उज्वल नभई भाषिक अपाङ्ग बन्ने बताए । एक फरक प्रसँगमा जिल्ला शिक्षा कार्यालयमा अनियमिता गरेर आफु नभाग्ने र बिद्यालयमा अनियमिता गर्नेलाई आफुले जसरी पनि कार्बाहीको दायरामा ल्याउने पौडेलको भनाई थियो ।
बिद्यालयको समयमा समाजको काम नगर्न उनले शिक्षकहरुलाई निर्देशन दिएका थिए । बार्षिकोत्शबको अबसरमा बिद्यालयका प्रध्यानध्यापक नगेन्द्र मल्लले बार्षिक प्रतिबेदन पस्तुत गर्दै मर्ज हुन लागेको बिद्यालयलाई हाल अग्रेजी माध्यमबाट सँचालन गरिएको जानकारी दिए । आगामी शैक्षिक बर्ष ७०र०७१ मा कक्षा ५ सँचालन गर्ने पनि उनले बताए । प्र अ मल्ले आ ब ०६९/७० को ८ लाख २६ हजार ३ सय ८४ बराबरको आय ब्य बिबरण समेत प्रस्तुत गरेका थिए ।
कार्यक्रममा बिद्यालयका बिद्यार्थीहरुले पि टी पर्दशन , बिभिन्न बालगीतमा नृत्य प्रस्तुत गरेका थिए । सो अबसरमा बिद्यालयका अक्षयकोषदाता तथा चन्दादाताहरु लाई सम्मान गरिएको थियो ।
कार्यक्रममा जनहित मा बि का प्रध्यानध्यापक आत्माराम शर्मा ,पाण्डबखानी उ मा बि का शिक्षक शान्त थापा ,समाजसेबी थुमकली थापा लगाएतले शुभकामना मन्तब्य दिएका थिए ।
कार्यक्रम बिद्यालय ब्यबस्थापन समितिका अध्यक्ष रामबहादुर खत्रीको अध्यक्षता ,शिक्षक साबित्रा थापाको स्वागत र शिक्षक थम्मन थापा सन्देशको सँचालनमा सम्पन्न भएको थियो ।