चितवन, जेठ १२ गते । जिल्ला शिक्षा कार्यालय चितवनले विभिन्न बहानामा विद्यालय बन्द नगर्न आग्रह गरेको छ ।
नयाँ शैक्षिकसत्र सुरु भएको केही समय मात्र भए पनि केही विद्यालयले गर्मी बिदा दिएको भन्ने जानकारी आएको भन्दै त्यस्तो कार्य नगर्न सबै विद्यालयलाई आग्रह गरिएको छ । भरतपुर नगर क्षेत्रका सामुदायिक विद्यालयहरूले गर्मी बढेपछि आइतबारदेखि यो हप्ताका लागि विद्यालय बन्द गरेका छन् ।
शिक्षा नियमावलीको २०५९ को दफा ८५ अनुसार विद्यालयहरू नेपाल सरकारले तोकेको शनिबारको बिदा, चाडपर्व बिदा, सार्वजनिक बिदा र ४५ दिन वर्ष वा हिउँदे बिदामा मात्र विद्यालय बन्द गर्न पाइने व्यवस्था रहेको छ । त्यसै दफाको उपदफा ४ मा विद्यालय व्यवस्थापन समितिको निर्णयले वर्षभरिमा बढीमा पाँच दिन मात्र स्थानीय बिदा गर्न पाइने व्यवस्था गरेको छ । तर केही विद्यालयहरूले शैक्षिकसत्र भर्खर सुरु भएको र पठनपाठन सुरु हँुदै गर्दाको अवस्थामा गर्मी बिदा भनेर विद्यालय बन्द गरेको जानकारी आएकाले विद्यालयहरू बन्द नगरिदिन र विद्यालय नियमित सञ्चालन गराउन जिल्ला शिÔा अधिकारी रमाकान्त शर्माले विज्ञप्ति जारी गरी अनुरोध गर्नुभएको छ ।
साथै अभिभावकहरूले पनि आफ्ना बाबुनानीहरूलाई नियमित विद्यालयमा पठाइदिनसमेत विज्ञप्तिमार्फत अनुरोध गरिएको छ । कुनै विद्यालयका प्रध्यानाध्यापक र शिÔकहरूले नियमविपरीत विद्यालय बन्द गरेमा शिÔा ऐन नियमअनुसार कारबाही गरिने जिशिअ शर्माले विज्ञप्तिमा उल्लेख गर्नुभएको छ । रासस