सन्तोष गौतम, म्याग्दी, २०७१ जेठ १३ । म्याग्दीको ग्रामिण क्षेत्रमा रहेका दुई वटा विद्यालयमा सूचना प्रबिधिको पहुँच बिस्तार गर्न प्रवासीले लाखौ रुपैया सहयोग गरेका छन् । जनता मावि दग्नाम र सती प्राबि दरवाङलाई कम्प्युटर र ईन्टरनेट जडान तथा फर्नीचर खरिदका लागि प्रवासीले सहयोग गरेका हुन् ।
जनता माविलाई खाडी मुलुक बहराईनमा रहेका नेपालीहरुले २ लाख रुपैया उपलब्ध गराएका छन भने सती प्राबिलाई बेलायतबाट १ लाख १९ हजार रुपैया सहयोग प्राप्त भएको हो । दग्नाम बैदेशिक सहयोग समितिको पहलमा विद्यालयमा कम्प्युटर र फर्नीचर खदिरका लागि २ लाख रुपैया सहयोग प्राप्त भएको दग्नाम मिडियो कमिटिका अध्यक्ष धनिलाल गर्बुजाले जानकारी दिए ।
यसैगरी दुखु स्थायी घर भई हाल बेलायतमा बस्दै आएका व्यक्तिहरुले विद्यालयमा सुचना प्रविधिको पहुँच पु¥याउन एक थान कम्प्युटर, इन्टरनेट जडान, प्रोजेक्टर, फोटोकपी र प्रिन्टर मेसिन गरी १ लाख १९ हजार रुपैया बरावरको सहयोग गरेको विद्यालयका शिक्षक राम पौडेलले बताए ।
हालै सम्पन्न विद्यालयको बार्षिक उत्सवको अवसरमा बेलायतमा बस्दै आएका सहयोगदाताहरुले सती प्राबिको शैक्षिक गुणस्तर सुधारको लागी थप १ लाख ३६ हजार समेत सहयोग गरेको विद्यालयले जनाएको छ । बेलायतमा रहेका दुखुबासीले स्थानीय जनहित आमा समुहको संस्थागत विकासको लागी १ लाख, सामुदायीक बन उपभोक्ता समुहको लागी १ लाख ४ हजार रुपैया पनि सहयोग गरेका छन् ।