सन्तोष गौतम, म्याग्दी २०७१ असार १२ । स्रोतव्यक्ति समाज नेपाल जिल्ला समिति म्याग्दीले बिहीबार एक कार्यक्रमको आयोजना गरि म्याग्दीका नवागत जिल्ला शिक्षा अधिकारी बलराम तिम्सेनाको स्वागत तथा सरुवा भएका जिशिअ बिष्णुनारायण श्रेष्ठको बिदाई गरेको छ ।
स्रोतव्यक्ति समाज म्याग्दीका अध्यक्ष डेगबहादुर बानियाको अध्यक्षता र मोहन बानियाको सञ्चालन तथा केन्द्रिय सदस्य दुर्गाराम सुवेदीको स्वागत मन्तव्यमा सम्पन्न कार्यक्रममा बोल्दै बिहिबार देखि म्याग्दीका जिशिअको कार्यभार सम्हालेका तिम्सेनाले म्याग्दीको शैक्षिक स्तर खस्कन नदिने र उकास्न जोड दिने प्रतिवद्धता जनाएका थिए ।
म्याग्दीबाट जाजरकोट सरुवा भएका जिशिअ श्रेष्ठले आफ्नो म्याग्दीको करिब तिन वर्षे कार्यकालमा सहयोग गर्ने सबैलाई धन्यवाद दिदै राम्रा कुराको आत्मसात तथा कमजोरी बिर्सीदिन आग्रह गरेका थिए ।