भक्तपुर, श्रावण ९ - नगरकोटबाट भक्तपुर तर्फ आउँदै गरेको भाडाबस भक्तपुरको बागेश्वरी २ स्थित बिहीबार दिउँसो दुर्घटना हुँदा १८ जना घाइते भएका छन् ।
जनमैत्री कलेज कुलेश्वरको पत्रकारिताका विद्यार्थी लिएर नगरकोट भ्रमण गएको बा १ ख ६७४६ नम्बरको बस दुर्घटना भएको हो । बसमा २३ जना विद्यार्थी, शिक्षक र चालक दलसहित २७ जना यात्रु थिए ।
दुर्घटनामा गम्भीर घाइतेहरुका भक्तपुरमा उपचार नभएपछि राजधानी पठाइएको छ । ११ जना घाइतेहरुको भने भक्तपुर अस्पतालमका उपचार भइरहेको प्रहरीले जनाएको छ ।