हरिकृष्ण गौतम
म्याग्दी, १५ असोज
‘संसार कै गहिरो अन्धगल्छी, दाना हाम्रो गाउँ, ज्ञानप्रकाश उच्च मावि बचाँयौ’ भन्ने नाराका साथ उत्तरी म्याग्दीको दाना गाविसमा अवस्थित ज्ञानप्रकाश उच्च माविकौ शैक्षिक तथा भौतिक पुर्वाधार जुटाउन बेलायतको लण्डनमा च्यारेटी कार्यक्रम भएको छ । बेलायतमा बसोबास गर्ने दानाका जेष्ठ नागरिक हस्त बहादुर पुर्जाले भुमे पुजा गरी कार्यक्रमको उद्घाटन गरेका थिए । दाना सेरोफेरो समाज यूकेले गरेको कार्यक्रममा गाउँमा रहेको उच्च माविको अवस्था र च्यारेटीको बारेमा संयोजक कृष्ण तुलाचनले जानकारी गराएका थिए ।
समाजका कोषाध्यक्ष मनबहादुर गर्बुजाको आर्थिक ब्यवस्थापनमा भएको कार्यक्रममा च्यारेटी संयोजक तुलाचान द्धार रचित ‘हाम्रो दाना गाउँ’ गित समेत प्रस्तुत गरिएको थियो । समाजका अध्यक्ष बलबहादुर पुर्जाको सभापत्तित्व, कृष्ण पुनको स्वागत, समाजका सचिव भिम पुर्जाको सञ्चालनमा सम्पन्न भएको कार्यक्रममा विभिन्न कलाकारले दोहोर नृत्य,नौमती बाजासँगै जिल्लाको पुराना कला र संस्कृति समेत प्रस्तुत गरिएको थियो।
च्यारेटीबाट विद्यालयको संस्थागत विकासका लागि करिव ९५ लाख संकलन भएको च्यारेटी संयोजक कृष्ण तुलाचनले जानकारी दिए ।‘ जमघटसँगै विद्यालयलाई समेत सहयोग जुटेको छ, हाम्रो निम्तोलाई स्वीकार गरेर आउनुहुने सबैप्रति आभारी छौ’ उनले भने। समाजमार्फत जिल्लामा हुने शिक्षा, स्वास्थ्य तथा समाजिक कार्यमा सहयोग हुदै आइरहेको छ ।