११ मंसिर,पोखरा- जिल्ला शिक्षा कार्यालय कास्कीको बा१झ १००९ नम्बरको गाडी बिहीबार अज्ञात समूहले जलाइदिएको छ। जिरोकिलोमिटर हुँदै कार्यालय जाँदै गरेको गाडी बागलुङ बसपार्कनजिकै रोकेर तीनजनाले जलाएको कास्कीका डिएसपी केदार रजौरेले जनाए।
शिक्षा कार्यालयमा भएका अनियमितता छानबिन गर्न माग गर्दै वाम विद्यार्थीहरूले आन्दोलन गरेका थिए। उनीहरूले नै गाडीमा आगजनी गरेको आशंका छ। साँझ ६ बजे मोटरसाइकलमा आएका ३ जनाले चालक शिव पौडेललाई झारेर गाडीमा आगो झोसेका थिए।