ओस्लो, मंसिर । नोवेल शान्ति पुरस्कार विजेता पाकिस्तानी १७ वर्षिया बालिका मलाला यूसुफजईले आफ्नो गाउँमा उच्च शिक्षाका लागि विद्यालय नभएको गुनासो गर्दै गाउँका हरेक बालबालिकालाई पढ्नका लागि माध्यामिक तहको स्कुल स्थापन गर्ने चाहना रहेको बताएकी छिन।
नर्बेको ओस्लोमा भएको विशेष समारोहमा शान्ति पुरस्कार ग्रहरण पछि सम्बोधन गर्दै उनले विश्वका स्कुल बाहिर रहेका हरेक बालबालिकाहरुलाई शिक्षाको पहुँचमा लैजानु आफ्नो कर्तव्य भएको बताईन् । घण्टौ लामो सम्बोधनमा उनले बालबालिकालाई बन्दुक दिन सजिलो हुने तर पुस्तक दिन गाह्रो हुने तर्क गरिन् । महिला शिक्षा र नोबेल पुरस्कारबाट प्राप्त भएको रकम पाकिस्तानको स्वात र शांगलाहिल क्षेत्रमा विद्यालयकै लागि खर्च गर्ने मलालाको भनाई छ । आफ्ना हजुबुवाले समेत आफुलाई विश्व सामु चिनिन पाठ सिकाएको उनले सम्झिइन् ।
मलाला र भारतका बालअधिकारवादी अभियन्ता कैलाश सत्यार्थीले संयुक्त रुपमा नोबेल शान्ति पुरस्कार ग्रहण गरेका छन् । नर्बेको ओस्लोमा भएको विशेष समारोहमा नेर्वेका नरेश हाराल्ड पञ्चम समेत सहभागि थिए । १७ वर्षिया मलाला नोबेल पुरस्कार पाउने सबैभन्दा कान्छी हुन् भने, ६० वर्षिय सत्यार्थीले विभिन्न उद्योगमा जोखिम मोलिरहेका हजारौँ बालबालिकाको उद्धार गरेका थिए । नोबेल पुरस्कारको राशी १४ लाख अमेरिकी डलर छ । पुरस्कार ग्रहण गर्नु अघि मलालाले राजनीतिमा लागेर मुलुकको प्रधानमन्त्री बन्ने चाहना राखेकी थिइन् । बीबीसीसंगको कुराकानीमा मलालाले पाकिस्तानमा बालिका शिक्षाको अभियानमा सक्रिय मलालाले बेलायतमा अध्ययन सकेपछि स्वदेश फर्किएर राजनीतिमा लाग्ने चाहना राखेकी हुन् ।