- हेमन्त के सी
जाजरकोट, माघ १२– सरस्वती मावि नायकवडा सिलीगी चौरमा कार्यरत शिक्षक शिक्षक कृष्णदेव माझी आफु असुरक्षित भएको भन्दै जिल्ला शिक्षा कार्यालयमा निवेदन दिएका छन् ।
विद्यालयका सहक्रमी शिक्षकहरुवाटै आफु असुरक्षित भएको उनले शिक्षा कार्यालयमा दिइएको निवेदनमा उल्लेख गरेका छन् । आफु सरस्वती माविमा कार्यरत भएदेखी नै पटक पटक कुटपटिमा परेको वताउदै आएका छन । भर्खरै आफुलाई विद्यालयको स्टाप वैठकमा लेखापाल घमण्ड बहादुर सिंहले आक्रमण गरी घाईते वनाएको उनले वताएका छन । अहिले जिल्ला अस्पतालमा उपचार गरी रहेको उनले बताए ।
विद्यालयमा गयल भएको शिक्षकको कुरा उठाउँदा आफुलाई लेखापाल सिंहले आक्रमण गरेको उनको दावी छ । आफु सो विद्यालयमा बस्न नसक्ने भन्दै अन्यत्र सरुवा गरिदिन समेत माझीले आग्रह गरेका छन् । आफु सिनियर शिक्षक भएपनि प्रअ अर्कैलाई बनाएको समेत उनले दाबी गरेको छन् ।
Source : http://www.ratopati.com